Darvel

Just ignore it

2011-12-25T16:45:00.005+01:00

Pay no attention to this post

Клети турци

2011-12-07T11:25:00.002+01:00

Никогаш сум немал негативни чувства кон Турците. Да, го окупирале целиот Балкан и пробувале да го уништат локалното население со векови. Но, тоа се случило во период кога сите го правеле тоа. Модерна Турција освен народ и локација нема ништо заедничко со Отоманската империја, сепак имаат различно политичко уредување, различен менталитет. Тоа се смени откако рамковизиите (множина зашто при смртта на Рамковизија Канал 5 и Сител очигледно попримиле дел од нивната душа и научиле нови зборови) почнаа да претеруваат со турски сапуници и пропаганда. Толку туркање неизбежно создава контра ефект.

Немам ништо против шпанска серија од време на време, но ова е претерување... Како и на сите други полиња и во забавата ние како држава очигледно немаме капацитет за независно размислување. По долгогодишно труење со шпански серии откако некој реши да ја донесе „Касандра“ се префрливме на труски, очигледно поевтини, серии. Приказните се исти, но во шпанските серии барем имаше повеќе од три гласови на телевизија. Сериозно, сум слушал аудио книги читани од еден човек без чувство дека зборува само еден човек нешто што на рамковизиите не им успева.

Империјата на поробувачите во 1683 кога била најголема

Сега на Рамко 5 најавија серија за некојси Суљо. Не се сомневам дека во Турција истиот е „Величествен“, но овде не може да биде ништо повеќе од тиранин. Сапуница сместена во шестнаести век е сепак сапуница. И не знам дали е до Турците или до Рамко 5 ама според најавата, слабо истражена сапуница. Овој „величествениот“ никогаш не го „освоил светот“, ни па бил „водач на најголемата империја“, таа чест му припаѓа на Џорџ V, дедото на сегашната кралица на Британија. Евентуално, ако не го признавате британскиот колонијализам како „империја“, тогаш водач на најголемата империја е Кублај Кан.

Како што може да се види, за жал, премногу често во државава, младите луѓе имаат многу слаб карактер и премногу лесно и премногу често запаѓаат по Пинки, Шваба, Џек Бауер, Пола Календар, Мамати и наскоро Суљо. Суљо кој 46 години бил тиранин чии потрчковци убивале, киднапирале и силувале на Балканот, практика од која не биле поштедени и Македонците. Значи, кога ќе го гледате Суљо како се лигави за некој проблем (сапуница е, мора да има барем една сцена во која главниот лик ќе се расплаче), сетете се дека поради него и таквите како него луѓето на Балканот плачеле секој ден.

Наместо да трошат пари (иако претпоставувам дека турскиве серии ги добиваат „три за сто“) на глупости, нели би било попаметно рамковизиите да инвестираат во оригинална македонска серија? Имаме способни писатели, имаме способни режисери, најверојатно можат да се соберат десетина колку-толку способни актери. Нема да биде најголемата продукција, најверојатно нема да привлече внимание во светот, ама може да биде нешто со што Македонците ќе се гордеат.

Еве ви дури и идеја - Серија која паралелно ќе го следи животот на дедо и внук, едниот додека се бори против турци/грци/срби, другиот против германци/италијанци/бугари/балисти. Направете ја без да ве боли курето што ќе мислат соседите, па да видиме колку од нив ќе ја пренесуваат (натсинхронизирана или не) на нивните телевизии.

Маглата

2011-12-05T17:46:00.001+01:00

Од Скопје веќе не се гледа небото. Некои луѓе тврдат дека е загадување, други пак дека е обична магла. Градот сепак е во котлина, па најверојатно се работи за комбинација на двата фактори. Но, додека повеќето се расправаат на тема „Што е“, сите го забараваат најважното прашање - „Зошто е“.

Одговорот е едноставен. Како и при секоја масовна операција која треба да остане релативно тајна, и во овој случај прво се создава завеса од чад. Кој играл RTS знае дека Fog of War може да биде многу корисен елемент, барем кога е во твоја корист. Причината поради која Скопје е обвиено во „магла“ е едноставна, сè почнува од главниот град. Маглата нема да престане да се шири. Лека полека таа ќе ја обвие целата земја, а кога секој агол од територијата ќе биде прекриен со оваа густа камуфлажа која ќе ја сокрие Македонија од светот, тогаш ќе дојде до преселбата.

Но ова нема да биде преселба на еден град ниту пак на цел народ. Ова ќе биде преселба на цела една земја. Наскоро на местото на Македонија ќе остане само дупка, длабока десетина километри. Дупка која полека ќе се исполни од подземните води, создавајќи го езерото Раздор. На брегот на ова езеро еден ден дедовци ќе им раскажуваат на своите внуци како порано тука имало земја која секој ја присвојувал за своја, додека еден ден таа не решила дека ѝ е доволно. „Земјата си замина и ни го остави ова езеро, за да не потсетува дека треба да живееме заедно, зошто еден ден сите нас ќе не снема“ ќе велат дедовците. Истата порака на четири или пет а можеби и повеќе јазици.

А каде отидоа Македонија и Македонците? Е тоа никој не знае, зошто за разлика од Словенија, таа нема наскоро да се врати. Но каде и да е, едно е сигурно, нејзиниот народ веќе нема други за обвинување. Нема локални господари кон кои политичарите ќе гледаат за помош. Па лека полека полуден од недостиг на сончева светлина, народот ќе се изеде меѓусебе. Но таква е човечката природа, некој секогаш мора да е виновен, дури и кога нема причина за вина, секогаш другите се криви. Некому постојано му се потребни наредби, дури и кога е слободен зашто вечно размислува како роб.

Премиерот

2011-04-01T01:13:00.002+02:00

Хм, долго време не сум напишал пост. Блогов вика од 25 јануари а јас цело време мислев дека е повеќе. Не е важно, гледав нешто што ме насмеа многу, па си реков да го споделам.

Значи, за да не мислам на фактот што не можам да најдам работа (невозможна мисија со оглед на тоа што "my skin isn't the right color") тепам време гледајќи стари (и нови) серии и филмови, читајќи книги и играјќи Dragon Age (Origins, не 2). Една стара серија која решив да ја изгледам целосно, со оглед на тоа што е завршена, е "The Unit". И, ги симнав четирите сезони и си гледам така како единицата извршува тајни мисии во целиот свет, главно во Блискиот Исток и Јужна Америка, кога дојде на ред епизода 3х10 ("Gone Missing" емитувана на 27 ноември 2007).

Во првата сцена во која членовите ја планираат мисијата, по ѕидовите имаше карти од Македонија и западената половина од Балканот. И збореа за атентат на премиер, и прво си помислив, ќе го пукаат Грујо. Ама војниците беа наредени околу макета на „градски плоштад“ кој не изгледаше како скопскиот, по што си реков, планираат атентат во соседна држава, па Македонија е таму како место за бегање. Мислам, сепак еден од нив рече дека прославата на која ќе присуствува премиерот е Ден на Независност, кога земјата "... they gained their independence from the Turks, in 180... something.". Нема шанси да е Македонија, ние добивме независност (читај слобода) дури во 1991.

Испланираа сè што испланираа, го анализираа експерименталниот куршум кој требаше да го користат за да нема други жртви освен целта, и се спакуваа. По што стигнаа на локација - Република Македонија. Е тука веќе почнав да се смеам на глас. Атмосферата во оваа Македонија беше мрачна, и поради некоја причина помислив на Ерменија. Архитектурата од друга страна многу ме потсетуваше на Мексико и југозападниот дел на ОАД (каде што најверојатно била снимана епизодата. Вака изгледаа првите сцени, плоштадот и полициските униформи:

Тука веќе почна да ме боли стомак од смеење. Но, писателите испланирале уште. Па така кога на еден од тројцата стрелци му откажа направата за мерење оддалеченост, четвртиот член на тимот излезе да ја измери далечината од зградата до подиумот. Крајслерите беа сменети со Фолксвагени, ама грбот на полицијата беше точен. Морам да признам дека оваа улицава - „Улица Граф Игнатиев“ - ни сум ја видел, ни па сум чул за неа. Но, моментот во кој речиси ќе умрев поради недостиг на воздух (од смеењето), беше кога еден од полицајците му се обрати на американскиов војник... Доаѓа припадникот на македонската полиција, и почнува да му зборува на типов на чист грчки јазик...

Си реков крај... Но има уште. Стигна владината поворка, во Мерцедеси, ги погодиле барем нив. И додека на сцената го чекаа генерали во руски униформи, на сцената стапи премиерот, кој воопшто не изгледаше како Грујо...

Војникот го нанишани премиерот, надредениот му рече да пука, по што војникот сврте малку на лево и го уби типот што се спремаше да го убие премиерот... Никој не забележа, војнициве си се вратија дома, и никому ништо...

За крај, само да речам, не очекувам реализам во сериите што ги гледам, сум простувал земји со имиња како Краплакистан, но очекував барем писателите малку да истражуваат кога пишуваат на некоја тема... Ако со вакво пишување се станува писател за голема телевизија, тогаш да се спакувам и да тргнам за Америка... Знам дека не ги плаќаат многу писателите, ама и малку е повеќе од ништо...

СДСМ-ДПМНЕ и сите нејзини сателити

2011-01-25T16:39:00.002+01:00

Не сакав да коментирам за циркусот околу Рамковизија, ама ете, морам... Значи, пред да почнам само да кажам официјално кој е мојот став на темата: СДСМ-ДПМНЕ во соработка со Рамквоизија се дерат на една страна за да не чуеме некој шепот на друга. Пробана тактика на СДСМ-ДПМНЕ, така што, ништо ново.

Значи, во целата ситуација најсмешни ми се сите мали сателити на СДСМ-ДПМНЕ. Секој ден излегуваат на национална телевизија, на улици, плоштади и други јавни „арени“ и ја обвинуваат десната фракција на партијата родител за „фашизоидна ,деспотна’* диктатура“. Нe сум сигурен дали се работи за иронија или идиотизам.

Да не се разбереме погрешно, не викам дека во Македонија има демократија, никогаш не ни имало, ама ако некој го нарече овој систем „фашизоидна ,деспотна’ диктатура“, само покажува дека не знае ништо. Диктатури, и леви и десни, сме имале многу во последниве сто години, па барем со споредување може да се утврди дали терминот важи во овој случај. Споредете го владеењето на Г’уевски со Сталин, Мусолини, Франко, Хитлер, Пиноче, Перон, Тито или од актуелните Чавез и Ким Јонг-Ил и ќе видите дека не е ни од далеку исто.

И за крај, вчера на Рамковизија видов нешто што ми покажа дека за Македонија нема надеж. Членови на десната фракција на СДСМ-ДПМНЕ се откажуваа од своето членство во таа партија и правеа трансфер во еден од сателитите. Жална слика. Нема надеж додека народот е до тој степен зависен од „партија“ што менува едно зло со друго зло. Ако Македонците** сакаат промени мора да се откажат од партиските книшки, сите партиски книшки. Често може да се слушне како некој изјавува „Политичарите забораваат кој им ја даде фотелјата, тие се тука за нас, не ние за нив“. Епа, жал ми е, ама додека народот е поделен по партии, партијата ќе си владее како сака зашто водачите знаат дека што и да се случи, едната фракција гарантирано е во владата.

Значи, заклучок, ако Македонците** сакаат да ја видат Македонија како напредува, мора да ја кренат десната рака и да им го покажат средниот прст на СДСМ-ДПМНЕ и нејзините сателити. Тоа е единственото решение...

-------------------------------------------------------------------

* Не знам што значи зборот „деспотна“, но претпоставувам дека недостатокот на интелегенција или ораторски вештини го претворил зборот „деспотска“ во „деспотна“.
** Сите носители на македонско државјанство.

Умот на Фриман 31

2011-01-23T00:25:00.002+01:00

Триесет и првата епизода од „Умот на Фриман“.

Сите го знаат Гордон Фриман, но дали сте знаеле дека во главата на тој 27 годишен „брилијантен“ физичар се наоѓа умот на неоуротична личност?

„Умот на Фриман“ - Машинима на Рос Скот

Tолку за сега... А кога ќе има нов дел, ќе го споделам со вас.

Споредување држави...

2011-01-21T15:28:00.001+01:00

Немам одамна пишувано пост, па затоа ќе бидам краток... Најдов еден сајт, што се вика „Ако беше мојот дом“. На сајтот, ја бирате државата во која живеете и ја споредувате со било која друга на Земјата. Немав идеја со која држава да ја споредам Македонија, па ја одбрав Грција. Сега, откако ја споредив со Грција, ми текнаа уште неколку држави и ја споредив со нив.

Споредбата речиси секаде беше во корист на другата држава, нешто сосема очекувано, но, статистиката која е највознемирувачка кај сите држави беше во корист на Македонија (последната на оваа слика)...

Значи, немаме пари, немаме работа, ама барем немаме СИДА... Ко што викаат некои луѓе, "Every cloud has a silver lining"... Епа, ај, нека биде Silver Lining":

Умот на Фриман 30

2011-01-10T00:46:00.000+01:00

Триесеттата епизода од „Умот на Фриман“.

„Умот на Фриман“ - Машинима на Рос Скот

Tолку за сега... А кога ќе има нов дел, ќе го споделам со вас.

Пост

2010-12-30T14:09:00.001+01:00

Утре е последен ден од годината, па ај си реков да напишам еден последен пост. Тема... Која тема да ја изберам? Можам да пишувам за тоа како СДСМ-ДПМНЕ ја убива државава, а народот е соучесник, ама не сакам да се замарам... What to do, what to do?

Ај вака: Или Витрувиус и Леонардо да Винчи утнале, или јас сум исклучок. За што зборувам? Едноставно, Витрувискиот човек:

На дијаграмот, јасно се гледа дека според нив, висината и распонот на рацете на возрасен маж се еднакви... Во момент на екстремна досада, решив да проверам дали се во право. Земав измерив висина, измерив распон, и не се совпаѓаат... Висина 179cm, распон 188cm, непропорционална застапеност, има опасност висината да пука и да кенка кај Лицемерната Унија...

Една брза мисла за крај... Сите верници кои припаѓаат на семитските религии (Јудеизам, Христијанство, Ислам*) слободно можат да бидат наречени евреи, бидејќи сите веруваат во истиот бог, Јахве (едните го викаат Бог, другите го викаат Отецот, третите Алах), и во основа втората и третата се само секти.
---------------------------------------------------------
* Соодветен термин - религиозна идеологија.

Kонзервативци

2010-12-17T04:27:00.004+01:00

Само што ~~чув~~, пардон, мислев „прочитав“, дека некои здружение на американски конзервативци (кои според содржината на нивниот сајт многу повеќе се здружение на бели расисти) ќе го бојкотирале филмот Тор бидејќи актерот кој игра еден од ликовите базирани на нордиските богови е ~~фан на Арсенал~~ повторно, се извинувам, сакав да кажам црнец.

Греота се конзервативциве... Мислам, ок, да се работеше за „вистинскиот“* Хеимдал ќе се согласев, нордиските богови се белци, но Хеимдал од Марвел не е бог. Тој е нешто како вонземјанин, припадник на раса која дошла на Земјата...

Ме интересира каква ќе им биде реакцијата на ~~расистиве~~ не знам што ми стана... конзервативциве ако некој реши да прави филм за Исус, и наместо белец во главната улога стави Евреин? Дали ќе бидат навредени од тоа? Интересно е како на нивниот ~~расистички~~ конзервативен сајт воопшто не се спомнува Ник Фјури... Очигледно единствениот проблем е замислувањето на божество со црна кожа...

--------------------------------------------------------------------------
* Вистински е во наводници зашто како и сите други богови и овој е измислен.

СДСМ-ДПМНЕ

2010-12-12T16:33:00.000+01:00

Каква несреќа, откако го поминав цело утро онесвестен, неможејќи поради некоја причина да се разбудам, се погоди да се најдам во иста соба со телевизор (уклучен на Рамковизија) баш во оној момент кога почна спот од половина од партијата наведена во насловот и нивниот „марш“. Мислам, каква патетика... Разбирам дека си се договориле со другата половина од партијата да глумат лудило, да нè убедуваат дека ќе нè спасуваат... Ама колку треба да си патетичен за спотот како саундтрек да ја има „Освојување на Рајот“ од Вангелис?

Не ме сфаќајте погрешно, песната е закон, ама со кое право левата фракција на СДСМ-ДПМНЕ тврдат дека го освојуваат рајот (Македонија) кога со нивните парнери од десната фракција веќе 19 години активно работат кон уништување на истиот тој рај...

Или можеби намерно ја одбрале таа песна... Како потсвесна порака... Хм... Да видиме... Во „1492: Освојување на Рајот“, филмот од кој потекнува песната, Колумбо (претпоставувам ова се браќата Никола и Бранко) го освојува рајот (Карибите) по што систематски, лека-полека го уништува... Најмногу страда, нормално, локалното население (Македонците), а најмногу профитираат Колумбо и Шпанија (Лицемерната Унија)... Хм... Сепак не бил патетичен изборот. Токму на место бил...

Универзумот не ме сака...

2010-12-10T04:02:00.000+01:00

Во мојот релативно краток живот сум имал неколку прилично луди желби. Со текот на времето сум се откажал од повеќето од нив, бидејќи дури ни најголемиот оптимист не може да се надева дека ќе се остварат... И мислам дека не сум сам, секој човек, во некој дел од својот живот има желба да направи нешто физички невозможно.

Проблемот е што јас лично ги напуштив тие невозможни желби, и ги заменив со поедноставни и полесно достапни работи. Како желбата да уживам во омилената храна барем еднаш месечно, или да се опуштам со добра книга, повторно, барем еднаш месечно. Но, како што би рекле некои луѓе, универзумот ме мрази. Природата работи против моите наједноставни желби.

Поради разбирливи причини, со секој поминат месец, секој поминат ден, моите желби стануваат сè пореалистични, поедноставни. Па така, неколку дена по ред, мојата најголема желба беше што е можно побрзо да ги завршам дневните обврски, за да можам да си легнам што е можно порано. И така, вчера (четврток) седнав кај 18:30 да почнам со елиминирање на сите обврски, една по една, кога природата реши дека е дојдено време за да се премести одредена количина на воздух од регионот на јужна Србија/Косово кон централниот дел на Македонија. Набрзо потоа, ми ја исклучија струјтата, бидејќи некој далековод во регионот решил да отпушти жица...

Пак го гледав филмов... И пак уживав, сега барам торент за книгата

Немајќи друг избор, легнав, и лежев во целосна темнина, слушајќи го ветрот во неговите обиди да го откорне покривот (можно е и да успеал, делумно). Заспав прилично брзо, знаејќи дека ќе морам да станам рано за да ги завршам обврските кои требаше да ги завршам претходно. По само три-четири часа сон (како и претходните неколку дена) бев разбуден од чуден сон... Не страшен сон, тие ретко ме будат, туку чуден сон, сон кој немаше апсолутно никаква смисла... Единствена работа која не ја очекував беше струјата, која се врати неполни пет минути откако се разбудив...
-------------------------------------------------------------------
Сликата е ставена само како апел, ако некој од вас има ламба, кажете, знам совршена формулација на желба која ќе ви овозможи вас (а и мене) неограничени желби.

Р.Ѕ. Повторно, морам да апелирам, не барајте поента во постов, едноставно нема...

Љубов?

2010-12-08T11:54:00.001+01:00

Една работа што не ми е јасна... Две ситуации во кои луѓето регираат комплетно различно на нечија изјава на љубов...

- Прва ситуација: „А“ ја забележува „Б“ во автобус/воз/бар. Набрзо потоа „А“ изјавува дека е заљубен. Реакцијата на повеќето луѓе ќе биде: љубов на прв поглед, колку романтично. Џејмс Блант дури имаше и хит пред неколку години на таа тема...
- Втора ситуација: „А“ ја забележува „Б“ на телевизија/во филм. Набрзо потоа „А“ изјавува дека е заљубен. Реакцијата на повеќето луѓе ќе биде: забегување, опседнатост, колку патетично. Патем, во двете ситуации „А“ не зборува со „Б“ пред да изјави дека е заљубен.

Која е разликата помеѓу овие две ситуации? Во двата случаи најверојатно не се работи за вистинска љубов. Во првата ситуација, единственото нешто што „А“ го знае за „Б“ е физичкиот изглед. Во втората ситуација, бидејќи „Б“ најверојатно е позната личност, а живееме во време на интернет, „А“ знае многу работи за „Б“ (од интервјуа, биографии и сл.). Друга голема разлика е што во првиот случај, „А“ и „Б“ се физички блиску (се наоѓаат во иста просторија) додека во вториот случај тие речиси сигурно никогаш нема да бидат толку блиску (освен ако „А“ реши да стане манијак, дознае каде живее „Б“ и почне да виси под прозор).

Ако барате поента во постов, не се мачете, нема... Само мала забелешка..

Хомофобијата кај раперите

2010-12-02T17:09:00.002+01:00

Луѓево на север биле закон луѓе бре... Сега чув за данска група рапери, кои биле екстремни хомофоби, женомразци и сл (не знам зошто, ама описов ме потсетува на некого). Типовите си имале верна група на фанови кои ги имале истите мислења за хомосексуалците и жените како и рапериве...

И така, на нивниот последен концерт, групата, која се вика OA (Odense Assholes или нешто така) ако го интересираше некого, решиле дека е време да им го кажат вицот на нивните фанови... Двајца од членовите кажале дека се хомосексуалци, и почнале да се лапаат на сцена пред стотици збунети фанови.

Дефинитивно TROLL WIN!!! Штета што македонскиве раперчиња за разлика од Данциве немаат храброст вака да „излезат“ пред своите фанови...

О фор факс сејк... А, да, ќе заборавев за малку... За што размислуваш?

И за крај, една многу важна работа што мора да ја запамти секој човек... Секогаш кога сте тажни и/или депресивни и мислите дека ви е преку глава од сè, запомнете само дека:

Where there is a will, there are 500 greedy relatives!!!

Креативност

2010-11-27T17:42:00.000+01:00

Понекогаш едноставно мразам кога сум во право... Не за друго, туку зашто сум бил во право за нешто што и не многу убаво... Пред неколку дена на DeviantArt објавив цртеж, и во описот напишав:

So, I just came to a very sad realization. I can't draw when I'm satisfied, happy or feel good. That is probably why I hadn't submitted anything for a few months...

Мислев дека е само мој заклучок, ама после го најдов ова - Feeling Sad Makes Us More Creative...

Ај за да не биде постов ептен "down", еве и две слики...

Клик за поголема резолуција, сè стандардно... И... Толку за неделава...

E tu Канал 5?

2010-11-24T17:26:00.000+01:00

Очекував вакво нешто од Рамковизија и Ѕинговизија, ама Канал 5? Отсекогаш мислев дека се малку пософистицирани, дека нивните вести не забегуваат во сензационализам... Ама па немам седнато да гледам вести веќе три месеци, па можеби грешно сум запамтил...

Како да сфатиш некого сериозно, кога вовед во вестите им е „јасновидец“... Што е следно, интервју со личности од далечното минато еднаш неделно? Ако е тоа, очекувам да почнеме од Адам, и да го прашаме зошто со Ева избегале од Рајот...

Или да очекувам дека од следниот месец сите вести ќе почнуваат со дневниот хороскоп? Или да почнеме да правиме хороскоп на државно ниво... Да знаеме што е „запишано во ѕвездите“ за Македонија...

Литературен FAIL!!!

2010-11-20T17:33:00.003+01:00

Не сум баш расположен, некои од ваш можеби веќе забележале, но моја должност е да посочам Epic FAIL, кога ќе го видам...

Интересен начин да се привлечат тинејџери да ја читаат задолжителната литература за на училиште...

„Најубавите Митови“ - Густав Шваб

Иако, не секој сака RTS, што правиме за оние тинејџери што претпочитаат FPS/RPG/RTT? Ама, како што реков, не сум расположен, па доволно е за сега...
--------------------------------------------------------------------
Клик на сликата за поголема резолуција...
Ако ви треба помош за да го забележите очигледното, четвртата книга во првиот ред...

Му рекло магарето на зајакот...

2010-11-18T19:47:00.001+01:00

Случајно минував крај телевизор во истиот момент кога некој тип без коса, не го знам кој е, ја правеше клатачката од Рамковизија партал... И си се насмевнав, по што, поради некоја причина отидов, седнав пред компјутер и ја отворив страната на горе спомнатата „телевизија“...

На мое изненадување, на врвот од вестите ме пречека ова:

Хахаха... Би се смеел подолго, но едноставно не можам, премногу е трагично... Рамковизија ќе ни кажува што било на македонски а што не... Бог да чува и да брани...

Трагедија, тешко нас, ако неорамколингвистичарите ни го бранат јазикот...

WTF??? Сме измислиле три векови? W-T-F???

2010-11-17T20:26:00.000+01:00

Значи, еве сега дознав дека сме измислиле цели три векови... Ова не бил XXI век, туку XVIII век... Глупости, да живееш во осумнаести век, а да ги нема сите оние убави работи од 18 век...

Бидејќи и така постов никој нема да го прочита во следниве 300 години, еве неколку слики...

Слика 1 - I LOLed...

Слика 2 - Не го очекував ова прашање...

Слика 3 - Ех, верници, верници, без работа, ништо не добивате...

Слика 4 - А кај кого е каменот?

Слика 5 - Добар план...

Слика 6 - И јас...

Слика 7 - Не знам за нив, ама I'm humped...

И за крај, малку автореклама...

Македонија си се пресели

2010-11-16T17:54:00.002+01:00

Си се шетав културно по интернетот, обидувајќи се да не му згазнам некому на прсти, кога без никакво предупредување патот ми беше пресечен од една слика. Авторот на сликата рече дека неговата мотивација била да ги размести државите од светот според бројот на жители. Јас не му одговорив, само го погледнав со збунет израз на лицето, по што подобро ја погледнав сликата. Сликата беше пријатна за гледање, комбинацијата на светло сина и бела боја делуваше смирувачки. По кратка анализа на картата која се наоѓаше пред мене, го сфатив што сакал да направи, по што почнав да барам одредени земји.

Клик на сликата за поголема резолуција

На почетокот, сликата ја гледав со насмевка. Нашите соседи (сите до еден отров луѓе) беа заменети со пристојни луѓе, Израел на југ, Лаос на исток, Лесото на запад и Финска на север. Но, насмевката брзо беше избришана од моето лице бидејќи забележав дека каде што требаше да пишува Macedonia, за жал пишуваше Qatar. По краткото разочарување почнав да ја барам Македонија. Каде ли сме се преселиле? Го барав знамето, но го немаше никаде. Почнав да ги читам сите имиња, никаде немаше Macedonia. За момент помислив дека можеби картата ја правел ~~педер~~, пардон грк, па побарав FYROM, но немаше ни тоа.

Песна... А зошто да не?

По некое време, се откажав и почнав да ги гледам другите преселби. Индија, главниот снабдувач на техничка подршка за ОАД, се преселила на север од нив. Значи, ако ништо друго, барем сметките за телефон на Американците ќе бидат малку помали. Друг позитивен аспект од оваа преселба е што би се намалиле шансите за нуклеарна војна помеѓу Индија и Пакистан, кој отишол на Австралија (континентот). Се насмеав кога видов дека некои земји, чии меѓусебни односи се лоши само поради тоа што се исти, и во основа се мразат себе (таа омраза кон самите себе ја префрлаат на оние кои се исти како нив). Па така, и покрај преселбата, Северна и Јужна Кореја се сè уште соседи, Србија и Бугарија, заедно, како јатки во орев.

Во моментот кога решив да се откажам од барање по нашето мало парче земја, забележав Mace. по што претрчав до Википедија за да го потврдам мојот наод. Ја најдов нашата мала убава земја. Сместена во сендвич помеѓу две големи земји. Прво нешто што проверив е дали нашите нови соседи се намќори како сегашниве. Колку што знам, не се... Аргентина се напредна нација, речиси светска сила... Во минатото имале мали дефекти со фашизам, но тоа е минато. Од другата страна, Филипините... Што да кажам, освен... Филипинки... Не сум задоволен од нашиот северен сосед... Ама па не може се да биде совршено... Нели?
-------------------------------------------
Се извинувам што постот е напишан како расказ...

Креационисти, зошто луѓето им се смеат? (12)

2010-11-13T15:44:00.000+01:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 34 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Триесет и четврт дел

Значи, драги креационисти, ако вашата верба во Јахве е голема не би требало да ви биде проблем да ги изгледате видеава... Нема потреба од страв. Само факти се, ништо што би можело да ве повреди.

Однапред се извинувам

2010-11-07T16:35:00.000+01:00

Значи, извинување до сите што ќе го прочитаат постов, кој во основа е ЕМО... Не е намерно, ама последниве три четири дена ми се за никаде. Не би рекол дека сум депресивен, ама дефинитивно поради некоја непозната причина ме преплави носталгија...

Би почнал да пцујам сè што ме нервира, ама неодамна сфатив дека мојов блог е, со мали исклучоци, подложен на авто цензура и главно се придржува до PG-13 стандарди... Уште една појава која не моажам да ја објаснам...
----------------------------------------------
Толку за сега, само... Ми се премести „Ж“, па ако има некоја грешка, не замерувајте...

Креативни реклами = геноцид

2010-11-03T12:32:00.000+01:00

Секој ден, без разлика во кое време од денот, штом седнам во близина на телевизор, мора да има некоја ретардирана реклама... Ваквите ретардирани реклами најчесто се за прашоци за перење, но ги има и за други работи, меѓу кои се и рекламите на СДСМ-ДПМНЕ во кои си се обвинуваат себе си (СДСМ-ДПМНЕ = 1 партија, значи се обвинуваат себе* за сè). Поради овие се поретардирани реклами, секогаш кога ќе видам некоја креативна, интересна и смешна реклама, чувствувам потреба да го купам производот.

Особено мерак ми прави креативна реклама за некој производ кој го купувам постојано... Чувствувам како со тоа што направиле креативна реклама, компанијата да ми враќа за мојата лојалност кон нив...

Е сега едно прашање... Ви текнува на онаа сликата со Wall-E и EVE... Оваа:

Изгледа смешно, и нормално, сите автоматски решавате дека EVE е подобриот избор и тргнувате кон продавницата на Apple (мислам дека е во ГТЦ)... Но размислете малку подобро. Wall-E (или PC-то) работеше самостојно преку 800 години, а за EVE (МАС) нема резервни делови... Значи, што би купиле вие? Искрено.

И за крај, ако имате тенденции за самоуништување, или пак сте манијак кој се возбудува при помислата на геноцид и масовно убиство... Претпоставувам дека има такви... Еве ви начин да се самозадоволите (на повеќе од еден начин). Ground Zero II ќе ви овозможи да пукнете нуклеарна бомба (или ако ептен не го сакате човештвото, астероид) на било кој град на Земјата. Пишете го името на градот, горе десно, одберете ја јачината на бомбата, долу лево (ветрот јас колку што видов не менува ништо, и кликнете "Nuke it!"...

------------------------------------------------------------
* Мене ми се чини дека ќе биде поедноставно да се разформираат и да не нè замараат... Ама, што зборувам... После како ќе крадат пари од луѓето...

Р.Ѕ. Поради некоја мене непозната причина, Блогерај ме нема одјавено повеќе од една недела. Претходно ме одјавуваше секој пат кога ја исклучував Мозилата, а сега и компјутерот кога го исклучувам, ништо... Ова само мене, или на сите вака им прави?

Сонцето од Кутлеш

2010-10-24T01:36:00.003+02:00

Бидејќи сум феномен, сум успеал за 22 дена, САМ, да потрошам 145 гига сообраќај... Па сега сум приморан до крај на месецов да го избегнувам интернетот. Се мислев што ќе ме оттргне од Мозилата најдолго, и ми текна дека ги имам сите три „Господар на Прстените“ на компјутер, значи автоматски 10,5 саати отиоа. Ми остануваат уште181,5... Додека го гледав вториот, нешто ми го привлече вниманието...

Клик за поголема резолуција

Очигледно на некој од сценографите му здосадило да измислува симболи за сите штитови и знамиња, па позајмил нешто наше... На еден од ѕидовите од Хелмс Дип беше оној штитот од погоре...

Пуста неправда... Инаку, ми остана уште третиот... Па после ќе бараме друг начин за трошење време... Можно е дури и да излезам надвор, иако со настинкава ќе биде малку потешко...

Исус бил пират

2010-10-21T11:24:00.000+02:00

Краток пост, само две-три слики, на тема пиратерија... Нема многу текст...

Прва слика - придобивките од пиратеријата

Втора слика - доказ дека Исус бил пират

Трета слика - НЕ! Пиратеријата не е крадење

Ако поради некоја причина ви требаат поголеми... Клик на нив.

Ван „Серко“ Ромпуј

2010-10-19T16:36:00.000+02:00

Чув дека денес имало тиранин во Скопје. Не можам да го наречем претседател, бидејќи титулата претседател подразбира демократија, во демократија народот одлучува кој ќе биде претседател, а овој серко не е избран од народот, туку му е наметнат на народот од страна на десетина политичари кои мислат само на своите интереси.

Серкото рекол дека Лицемерната Унија немало да се меша во регионални конфликти, нешто што го прават без никаков проблем кога имаат корист од тоа. Иако, мислам дека нема капацитет да сфати дека ЛУ е замешана уште од моментот кога реши да ја оценува Македонија врз основа на мислењето на еден од нејзините членови а не врз основа на заслугите. Но, тоа е проблемот со куклите како овој серко, само го голтаат она што некој веќе го преџвакал без размислување.

Без решение на (грчкиот) проблем со името, Македонија да не се надевала на влез во ЛУ. Наједноставното решение? Прекин на преговорите. Да, тоа е решение, бидејќи преговорите нема веќе да се развлекуваат со години. И според мое мислење, тоа е единственото решение. За жал, безрбетниците од најголемата партија, СДСМ-ДПМНЕ и сите останати партии во Македонија неможат да им се спротистават на своите шефови од Брисел, нема да добиваат пари веќе...

СМРТ ЗА ЛИЦЕМЕРНАТА УНИЈА, СЛОБОДА ЗА НАРОДОТ!!!

Иако не сум сигурен како се убива организација... Ама па од друга страна, не може да се убие ни идеологија (како фашизмот/комунизмот/исламот), но можат да се уништат, па претпоставувам дека и во овој случај одговара слоганот.

Татарска логика

2010-10-17T04:41:00.001+02:00

Често слушаме од татрчињата дека ние сме биле татари како нив, само што УДБ или кој и да е од северните ни го испрал мозокот... Интересна логика, Македонија во ’45 потпаднала под „пријателска“ окупација, по што пријателските окупатори почнале систематски да ни ги перат мозоците.

Тоа што не ми е јасно е:

Дури и да им успеало на северните целосно да им ги исперат мозоците на сите што живееле тука од војната наваму, како им успеало (претпоставувам со помош на телепатија, вуду, некромансија) да им ги исперат мозоците на оние Македонци кои живееле во Егејска и Пиринска Македонија, Европа, Северна и Јужна Америка и Австралија, како и на оние кои умреле пред 1940?

Сега, за овој проблем има две објаснувања:

а) Северниве имале поразвиена телепатија од ОАД и СССР заедно, и можеле да вршат масовно перење на мозоци на далечини поголеми од 15000 километри или имале мрежа на шпиони/тајни агенти кои успеале да им ги исперат мозоците на илјадници луѓе без никој да се пожали или да им избега и да ги пријави; или
б) Источниве (и нивните братчиња од југ) си прават филмови.

Е сега, Вилијам де Окам вика дека во ситуацијава, „б“ мора да е точно зашто има помалку претпоставки, а сè уште ја објаснува појавата.

Ама пак од друга страна, татари и логика...

Јахве или Луцифер?

2010-10-14T16:53:00.001+02:00

За да биде јасно, прашањето кое не го ставив во насловот поради должината е „Кој од двата ,најголеми’ ликови во Библијата има убиено повеќе луѓе, Јахве или Луцифер?“ Оваа слика може да ви даде мала перспектива, кој е „добриот“ во Библијата, а кој е „лошиот“.

Луцифер, демонот кој раководи со пеколот, чија единствена намена е измачување на луѓето кои Јахве ги праќа во пеколот (зашто не кликнале Subscribe и/или Bookmark), убил вкупно 10 луѓе, значи нема ниту еден фудбалски тим... Јахве пак, оној добронамерниот креатор, таткото на сите нас, кој не создал од ништо за да ја искусиме неговата љубов, има убиено 2391421 (со зборови: два милиони триста деведесет и една илјада четрсто дваесет и еден човек), или ако и се верува на Википедија повеќе од моменталното население на Македонија (проценка од 2009 - 2114550)...

Ова ме потсетува на оние приказни, каде што владетелот е лош човек кој ја злоупотребува сопствената сила, од кога населението се плаши, и го „сака“ од страв. Додека одметникот, и покрај пропагандата на владетелот, е добар човек, чија единствен „грев“ е што му се спротиставил на владетелот и му рекол дека не е во право (поради што бил протеран од кралството) па станал негативец во очите на народот...

Мислам, знам дека и двајцата се ликови од фантастична* приказна, значи исто како Гандалф и Саурон или Хари Потер и Волдерморт**, со таа разлика што писателите на Библијата за разлика од Толкин и Роулинг не чувствувале потреба се да биде јасно поделено на црно и бело, добро и зло, па го направиле главниот лик, на прв поглед да биде добриот, но во реалност да биде негативец кој ужива во геноцид, а негативецот да е само жртва на лоша пропаганда...
----------------------------------------------------------------

* Зборот фантастична е употребен со значење „магична, волшебна“ не „одлична“.
** Сакан да им се извинам на сите фанови на Господар на Прстените и Хари Потер за споредбата, Библијата ни од далеку не е на нивно ниво...

Колку ми е полесно

2010-10-13T20:17:00.000+02:00

Ако случајно сте наминале на блогов, можеби сте забележале дека не пишувам толку често. Има причина за тоа, пред месец-два ми се расипа телевизорот, по што ми е многу полесно. Не ме замараат вести, глупи серии, и сличното срање кое „ексклузивно“ се врти по нашите медиуми.

Поради тоа и поретко пишувам... Тоа и фактот што неодамна ми се расипа компјутерот, па откако го поправив (и појачав), почнав да ги играм игрите кои претходно не можев. Знам, очигледно блогов е наменет само за мрчење, со ретки постови инспирирани од нешто убаво (многу ретки, но што да правам таков сум... Поентата е, денес додека јадев, случајно се погоди другиот телевизор да е уклучен на Рамковизија, и што не ќе чујам... Два месеци немам гледано вести, а рамковизијциве уште замараат со истото кенкање: „Нас нè прогонуваат, нè навредуваат, ни се смеат...“

Ги слушам и се смеам. Како прво, секоја јавна личност, без разлика дали е новинар, политичар, актер, пејач, бизнисмен итн. мора да знае да поднесе навреда. Ако не е способен да поднесе кога некој ќе го нарече сељак, морон, идиот итн. тогаш одбрал погрешна професија. Ако некој ти се заканил, не кенкај и пријави во полиција, ако те навредил, не кенкај и пробај да бидеш возрасен а не „Мамо, мамо, овој ме навреди.“

Втората глупост која ја чув е од нивната спортска редакција... Случувањата во Џенова „барем во регионов“ ги засениле спортските настани д цела Европа... Сериозно? Како тоа? Зошто мене би ме интересирало што правеле србите, како е тоа моја работа? Спомни го како вест (во сегментот за вести од светот) и не го спомнувај во спортот (бидејќи не ни припаѓа таму). Ќе разберев толку внимание за настанот од Сител, или некој од другите србомански телевизии, ама од Рамковизија не... Нели беа со бугарите тие...

Во Чиле луѓно почнаа да излегуваат од под земја после речиси 70 дена, овие замараат со комплетно очекуваните постапки на беспомошни морони. Што е следно? Ексклузивно ќе известат дека луѓето во источна Азија имаат коси очи?

Кој нè признал

2010-10-11T11:01:00.000+02:00

Знам дека голем број земји нè имаат признато, некаде околу 130 мислам дека беа, ама пак има одредени сајтови кои сè уште не викаат FYR Macedonia. Дури и на печот за PES 2010 каде што Македонската репрезентација е направена реалистично (базирано на перформансите од пријателски, не од официјални натпревари), нè пишува како FYR Macedonia (знам дека така се водиме во UEFA, ама сепак...).

Затоа, кога ќе видам на некој сајт да пишува Macedonia, ми се загрева срцето (што би рекле Американците). А кога тоа е на сајт кој редовно го посетувам... Е дури тогаш...

Епа, ако утре одите на Филип II, да знаете дека Аршавин игра за тим што нè признава под уставно име во земја која нè признава под уставното име...

Би предложил да се реши грчкиот проблем со името со фудбалски натпревар, меѓу репрезентациите, ама ми текна дека нашиве под притисок се распаѓаат како кула од карти... Па затоа, ќе го повторам мојот став, повлекување од преговорите, ако грците имаат проблем, тоа е нивни проблем, не наш.
---------------------------------------------------

Клик на сликите за поголеми

Навредениот Ватикан

2010-10-10T13:25:00.001+02:00

Пред некој ден се шетав по интернетот, и налетав на вест дека некој од „добрите“ луѓе од Ватикан бил навреден од именувањето на добитниците на Нобелови Награди. Поточно, тие биле навредени што Нобеловата Награда за Медицина му била дадена на човек кој им донесол среќа на милиони луѓе... Ако не сте чуле, Нобеловата Награда за Медицина му беше доделена на Роберт Едвардс, човекот кој ја создаде техниката за ин-витро оплодување.

Роберт Едвардс со првиот човек роден со помош на ИВО - Луиз Браун

Ваквата вест поттикна една мисла: Ако толку лесно се навредуваат луѓето кои го проповедаат неговиот збор, тоа значи дека автоматски се навредува и богот. Не ми е јасно зошто наводно семоќно суштество како Јахве се навредува толку лесно? Јахве им дал слободна волја на луѓето, а потоа се навредува секој пат кога тие ќе изберат за себе нешто што не му е по вкус... Тоа ти е како крал да воведе демократија, и да се навреди ако народот не ја избере владата што тој ја планирал.

И не само што се навредува, туку Јахве има проблем со темпераментот, неколку пати во Библијата има опис на настан кога Јахве претерува со реакција, и неправедно казнува... Зашто дел од населението биле насилни или премногу се сакале меѓу себе, тој ја поплавил целата планета... Зашто дел од граѓаните на Содом биле „распуштени“ тој убива сè што живее во градот, вклучително и деца кои немаат никаков грев.

Интересно е и како Игнасио Караско де Паула, човекот кој се навредил од изборот на комитетот во Норвешка и предводник на „Понтифската Академија за Живот, се навредил што Роберт Едвардс добил признание за неговите заслуги. А истиот човек не гукна ништо кога папата во Африка рече дека кондомите не штителе од СИДА... Академијата за „Живот“ на чуден начин покажува колку ѝ е важен животот - поважни се збир клетки отколку возрасни луѓе и деца...

Ама како и на сите други свештеници, без разлика на верата, најважно им е златото... Зашто материјалното нема никакво значење... Да, да, да... Добра порака праќаат до „стадото“.

I LОL'D

2010-10-03T17:33:00.000+02:00

Ништо сериозно, само две слики што ме насмеаја (како што кажува и насловот, нели...

Скопје, село... ROFLMAO!

Кој разбра, разбра, кој не...

Знам, не е убаво да се смееш на сметка на умрен човек, ама нема да се налути...

Девет враќе желзни

2010-09-30T09:45:00.000+02:00

Зошто ли зошто брз ритам и тапани будат некои посебни примални чувства кај луѓето? Генетска меморија? Остаток од времето кога сме се збирале околу огнот, со две три свежо уловени диви свињи, за да изразиме благодарност на богот-сонце што не нè уништил?

Мислам дека не постои човек кој, при слушање тапани (по можност нешто брзо), може да не реагира... Се добива чувство како нешто да се буди во тебе, нешто што долго време спиело... Сериозно, генетска меморија?

Исус, дали навистина постоел?

2010-09-28T13:56:00.000+02:00

Кога бев верник нормално дека слепо верував кога ми кажуваа дека во 0 година Јахве ја напумпал Марија, и таа го родила Исус. Но, бидејќи не посотојат историски докази од тогашните историчари дека постоел „бого-човек“. Иако би очекувал некој историчар да шкртне барем една реченица, нешто во стилот: „Во Дамаск имаше мало востание, во Каиро беше отворена нова библиотека, а во Ерусалим беше распнат синот божји“, ама претпоставувам дека многу е да се бара такво нешто...

Но, ете сега, на границата помеѓу Јордан и Израел во долината Араба, биле пронајдени свитоци кои ја потврдуваат приказната за Исус... преку приказната за неговата сестра близначка, Тами. Тами, како и нејзиниот брат ги проповедала истите религиозни идеали како и Јашо. Јасно ми е зошто вакво нешто не се знаело порано, сепак, папите не дозволувале жените да имаат било каква врска со религијата. Па, откако ја намалиле улогата на сопругата на Јашо, Марија Магдалена, решиле да направ EDIT на „зборот божји“ и да му ја избришат и сестрата (ќерката на Јахве)...

Некои „научници“ кои се занимаваат со теологија викаат дека откривањето на Тами, се заканува да ја уништи машката хегемонија на христијанството. Некои од нив дури и почнале да го преиспитуваат „тројството“ и да предлагаат „четворство“, кое ќе ги опфаќа Јахве како таткото, Светиот Дух и Исус како олицетворение на најдобрите машки принципи и Тами како олицетворение на најдобрите женски принципи (со оглед на тоа што проповедала, претпоставувам господ не планирал жените да бидат подредени, туку еднакви)... Не се знае многу за смртта на Тами, но, во текстот пишува дека иако не била распната, и таа како и нејзиниот брат умрела во Јудеа, воскреснала и отишла во Рајот, во истото време со Јашо.

А, да, за малку ќе заборавев, Тами, за разлика од нејзиниот брат, била видливо надарена од нејзиниот татко кој и дал огромни гради (така е опишана во религиозен текст, значи дефинитивно го пишувале мажи). Значи, очигледно Јахве повеќе си ја сакал ќерката отколку синот, ем не страдала на крст, ем ја надарил. А бидејќи не постојат илустрации на Тами, еве ви една од Кристина Хендрикс, само што, Кристина со својата висина од 171cm најверојатно е многу повисока од Тами, која живеела кога просечната висина не била над 150cm...

Колку време ќе им треба на дедовците кои ја раководат црквата да ја прифатат Тами? Најверојатно тоа никогаш нема да се случи, зашто жените се слуги на ѓаволот чија единствена намена е да прават ручек... Истото важи дури и за ќерката на Јахве...

Робин Худ

2010-09-26T16:30:00.000+02:00

Само што го изгледав „Робин Худ“ на Ридли Скот, и си мислев да кажам мислење... Филмот, од гледна точка на изведба, е ок, актерите се добри, локациите и костумите изгледаат автентично и се тоа е ок. Но, мене ме интересира, зошто (освен поради тоа што е сместен во Нотингем во 12 век) овој филм се вика Робин Худ? Филмот нема никаква врска со книгата „Робин Худ“*. Единствена работа што ја презеле од книгата е што главниот лик е саксонец... И толку. Расел Кроу го игра Робин Лонгстрајд, па ме интересира зошто едноставно не го нарекле филмот „Робин Лонгстрајд“?

МОЖНО Е ДА ИМА НЕКОЈ СПОЈЛЕР!!!

(па ако сакате да го гледате филмот, или уште поарно, да ја прочитате книгата, одете дирекно до последната реченица во постот за линк до неа)

Во книгата главниот лик се вика Роберт од Барнсдејл (Robert of Barnsdale), и никогаш не учествувал во крстоносна војна. Роберт Барнсдејл во книгата е земјопоседник без благородничка титула (слободен човек кој поседува земја и ја обработува за себе - Yeoman). Тој, гледајќи го страдањето на обичните луѓе, и корупцијата на лордовите и црквата, оди во шумата и почнува да ограбува богати патници и црковни каравани и да се бори против неправдите на Шерифот од Нотингем, Гај Гизборн, Изенбарт де Белејм и другите лордови од замокот Ренгби.

Единствено масовно збирање данок во книгата, како она во филмот, беше кога се собираше откуп за ослободување на Ричар I од затворот во Германија, и тогаш Робин беше тој кој собираше данок, бидејќи како побожен човек, тој многу си го сакаше кралот. Придружници на Робин во книгата се нормално Литл Џон, Вил Скарлет, како и во секој филм, но досега во ниеден филм не се спомнати уште десетина други, а Алан-а-Дејл кој е еден од ликовите во филмов (стрелец во армијата на Ричард кој се враќа во Англија со Робин), во книгата беше син на витез, Сер Хербранд, протеран поради тоа што го уби човекот што сакаше да му ја украде љубената... Добра работа во филмов е што Робин нема ни еден придружник Арап или муслиман, зашто такво нешто едноставно не било возможно (бидејќи Робин никогаш не отишол на Блискиот Исток). Кога сме кај религиозна определба, во книгата покрај англиските христијани се спомнуваат само Евреите од Јорк, во контекст на масакрот кој го доживеале таму.

Во голем дел од книгата, Робин Худ се крие во шумите околу Нотингем, и го чека денот кога Ричард ќе се врати од крстоносната војна и ќе воспостави ред во земјата. Принцот Џон владее од Лондон, но нема ни можност, ни желба да ги контролира лордовите на север. Кога Ричард се враќа, тој го бара Робин (зашто неговиот благајник го пофали дека собрал голем дел од неговиот откуп), и откако се сретнуваат, Робин и неговите стрелци се придружуваат на армијата која оди во Франција да се бори против армијата на Филип II, каде што Ричард умира (при крајот на книгата), по што Робин си се враќа кај сопругата, со која се венчаа тајно, непосредно пред враќањето на Ричард од крстоносната војна.

Кога веќе ја спомнавме Мерион, во книгата таа умира, по што Робин тргнува да го уништи замокот Ренгби. Во книгата умира и Робин, предаден од неговата тетка, калуѓерка кај која доаѓаше за лекување на стари години. Значи, добар филм, но во најмала рака страда од лажно рекламирање... Ова не е Робин Худ...

---------------------------------------------------

* „Робин Худ“ од Хенри Гилберт, првпат издадена во 1912. Ако некој случајно сака да ја прочита (на англиски) еве линк. Ако сакате да си ја имате дома (исто на англиски), јас мојата ја купив од Икона за 199 денари.

Убавиот дел од религијата

2010-09-18T22:22:00.007+02:00

Значи како надоврзување на овој пост, еве ја и втората верзија на Bohemian Rhapsody...

Смешно е што сè може да се направи кога на некому му е досадно... Нели? Инаку, често сум пишувал дека религијата е лоша работа, и дека човештвото нема никаква корист од неа, ама ете, имало и убави работи...

Кој ја има прочитано библијата? Најверојатно истиот оној што некогаш прочитал EULA...

Толку... За сега...

Прашање

2010-09-17T16:10:00.002+02:00

Одамна немам пишано пост на политичка тема, иако е можно ова да е од областа на дипломатија, не на политика, а неколку дена немам пишано никаков пост... Рикна матичната...

Пред некој ден чув дека ООН планирале повеќе да се заинтересираат за проблемот на Грција, па дури и Бан Ки Мун ќе се вмешувал. Моето прашање е:

„Кога најголемата организација посветена на меѓународни односи олку напорно досаѓа за нашето име, дали тоа во основа значи дека грчкиот став е легитимен?“

Значи, ставот на Грција, барем во оригинал, беше дека не смееме да се викаме Македонија зашто тоа водело кон територијални претензии. Подоцна рекоа дека не смеело ние да сме Македонија (и Македонци) зашто сме им го краделе „нивното“ културно и историско наследство... Преку ангажманот на ООН кон решавањето на ова прашање, се легитимизира тој став, што автоматски значи дека ние имаме законско* право, можност да побараме спојување на Егејска и Пиринска Македонија, како и малите делчиња (мало, мало, ама македонско) кои се останати во Албанија, Косово и Србија.
-------------------------------------------------------------
* Легално да си ја обединиме Македонија... Ако сакавме да се обединуваме преку војна, немаше да не спречи различно име... Нели?

"I kissed a girl" - Кејти Пери

2010-09-07T02:00:00.003+02:00

Вака сега, идеме со три видеа... Можно е да ми е рекорд ова... А, не, постовите од серијата „Креационисти, зошто луѓето им се смеат исто имаа по три видеа. Добро, во секој случај... Уживајте во една одлична песна, и една интересна интерпретација на истата... Значи, прво оригиналот:

После оригиналот доаѓа најинтересната интерпретација на (било која) песна што сум ја видел во животот... Едноставно е закон. Типов е професионален преведувач за глуво-неми луѓе, и иако не се согласувам со неговото возење без раце, знам дека е понесен од песната... Разбирливо е тоа. Видеото (знам дека квалитетот е слаб, ама сепак...):

И за крај, за да се оправда насловот на постов... "I kissed a girl" од Кејти Пери:

Што, да не ја очекувавте песната... Ако ја сакате песната... Еве ви линк до Јутуб. LOL

Лимон...

2010-09-06T09:52:00.003+02:00

Сакам лимон, само лимон, без шеќер, без ништо. И пред некој да помисли дека сакам кисели работи, да кажам само дека не можам да поднесам оцет. Едноставно го сакам вкусот на лимон, и неколку пати ми се случило да пресечам лимон на половина и да го исцицам додека има сок во него. Не се сеќавам на првиот пат кога сум пробал лимон, ама гарант и јас сум направил слична фаца како овие:

Закон. На друга тема, дали некогаш сте помислиле како би изгледал Хитлер ако бил кремче, типичен шминкер? Епа некој помислил...

Хм, Полска, а и Евреите, може ќе си поминеле подобро... И толку... Ако ми текне уште нешто, ќе напишам нов пост...

Загубени... Вистинскиот крај*

2010-09-05T14:30:00.004+02:00

Крајот на Загубени ме разочара, зашто беше, во недостиг на посоодветен збор, глуп... Барем за мене... Е сега, прашањето што најверојатно ќе ми го постави Загинатиот е „Па како требаше да заврши?“. Еве го одговорот...

Ете... Јасно е сега нели... In other news - Ако некогаш, поради некоја необјаснива причина, ве интересирало која песна била хит дента кога сте се родиле, тогаш можете да проверите тука... Јас сум крајно разочаран...
-----------------------------------------------------
Насловот веќе беше искористен еднаш за овој пост, ама овде повеќе одговара...

Верба

2010-09-04T18:21:00.005+02:00

Не сум многу, многу расположен за карање со религиозни луѓе или муслимани, па затоа денес, само две-три видеа... Сликава не е со намера да деморализирам некого, човек секогаш треба да ги следи своите соништа, но ме насмеа, па нека ве насмее и вас.

Првово видео е за сите оние кои сакаат да гледаат танц... Значи, ако сакате да гледате синхронизирано движење на две или повеќе личности, или едноставно ве привлекуваат танчерки... Повелете...

Знам, има подобри видеа за гледање танчерки, ама во ова видео има инсерти од неколку одлични филмови... Би требало да спомнам неколку добри филмови... "Footloose", "White nights", "Airplane", "Clerks 2"... Доволно се...

Второво видео, е специјален поздрав до...

И за крај... Можеби би требало да го објаснам насловот... Слепо верувајте само на мали работи... Ако некој ви каже дека го видел Елвис пред два дена, или дека ако му дадете пари тој/таа ќе ве излекува, барајте доказ... Секогаш!

Исус - легенда

2010-09-03T20:12:00.002+02:00

Кој бил Исус? Има луѓе кои тврдат дека бил „син божји“, а има и луѓе кои тврдат (можеби легитимно) дека не постоел. Мислам, мене лично не ми е јасно зошто на семоќниот Јахве му била потребна матка за да создаде човек, кога само 4000 години претходно го создал од земја... Во секој случај...

Интересно прашање... Можете да го одговорите? И пред да кажете нешто лошо за Менахем Мендел Шнирсон, само да ве потсетам, дека за неговите следбеници, тој е Месија. Значи, тој е истото што за вас е Исус...

Библијата

2010-08-31T17:35:00.005+02:00

Одреден левичар, кој после тоа за пари стана конзервативен десничар, па сега чув пак бил левичар (а може и отишол во тотално трета насока, кој знае...), едно време се жалеше дека никој не ја користел христијанската митологија како инспирација за пишување/правење филмови/игри... Епа, некоја германска компанија го послушала... Затоа наскоро ќе можеме да „уживаме“ во „Библијата“.

Сега, не знам колку ќе може да се ужива зашто сепак се работи за тапа тип на игра (browser-based MMO), но барем ќе има игра со христијанска митологија... Кога веќе сме кај христијанската митологија и играњето преку интернет, како човек кој знае од време на време да се распука преку интернет, знам колку е тапа кога има "lag" (не знам наш збор за ова)... Сочуствувам со Исус.

Овие две слики можам слободно да ги закачам зашто христијаните имаат смисла за хумор... За разлика од нивните братучеди муслиманите... Ама еве една и за нив...

И за крај, ако сте го гледале филмот Full Metal Jacket, знаете дека се работи за ремек дело, како и сите други филмови на Стенли Кјубрик. Но, секој пат кога сум го гледал филмот ме мачела една иста работа... Зошто наместо актери не е направен со ликовите од Дизни... Епа, најпосле има компромис...

Хахаха... Роналд Ли Ерми е закон. Ама Пајо Паторот е дефинитивно појак...

Хитлер бил муслиман

2010-08-28T20:43:00.002+02:00

Мало надоврзување на овој пост... Пред некој ден имавме можност да прочитаме (а два дена покасно и да чуеме на нашиве телевизии) дека анализа на ДНК на Хитлер открила дека некој од неговите претци бил евреин, и имаше уште нешто, ама не ми текнува што беше... :?

Сега, според работи што сум ги читал за Хитлер, дојдов до заклучок дека тој бил муслиман... Знам, официјално е дека бил следбеник на позитивното христијанство, но три негови позиции јасно посочуваат кон тоа дека бил муслиман...

Како прво, во поглед на Евреите:
- Неговиот став било дека за да има мир во светот, мора да се убијат сите Евреи. Сите до еден, и да се уништи сè она што тие го направиле...
- Ставот на исламот како идеологија е дека нема да има мир во светот (во обидот на Мухамед да ја продаде како религија, запишал дека нема да дојде судниот ден) додека има макар и само еден Евреин во светот.

Второ, во поглед на војната:
- Ставот на Хитлер бил дека војната е единствен начин да се уништат слабостите кај луѓето, и само на тој начин може да се постигне чиста и силна раса.
- Ставот на исламот е едноставен - војна сè додека цел свет не се покори на „Алах“.

И трето, во поглед на свинското:
- Ставот на Хитлер бил дека месото му штети на човекот, и дека само со комплетно вегетеријанска исхрана. Ова е единственото поле во кое Хитлер е порадикален од исламот.
- Исламот... Нешто се плашат од свињи...

Значи, кратко, јасно и едноставно... Нели? Единствената разлика е што во случајот на Хилер, се работи за лични ставови... А во случајот на исламот тие се „божји“ заповеди. Значи вистинскиот муслиман нема друг избор освен да се придржува до нив... Ок, признавам, може грешам, сепак не сум посветил толку внимание на Хитлер за да знам сè за него (знаете, зло што е веќе уништено не заслужува толку внимание колку зло што е уште активно). Но, размислете, не е комплицирано...

Расипувачи на забави!!!

2010-08-27T19:17:00.002+02:00

Луѓето за да бидат среќни, мора да научат во животот да се задоволуваат со мали работи. Без разлика дали е некој мал подарок од личност која ви е драга, убавината на природата која е околу нас, или едноставно некое деколте... Но секогаш ќе се најде некој идиот чија единствена цел во животот е да ја уништи забавата на сите други околу него...

Мислам колку треба да е некоја личност нетокму за да измисли вакво нешто... Дури и научно е докажано дека гледањето во женски гради е добро за здравјето... Оваа личност, не само што е расипувач на забави, туку и ни мисли лошо... Срамота, какви сè „луѓе“ има на планетава.

„Бог“ како природна појава

2010-08-26T11:24:00.003+02:00

Често човек има можност да чуе од некој христијанин (мислам од припадник на било која од семитските религии) дека господ бил природна појава. Поточно, верувањето во господ била природна состојба со која сите се раѓаме. Значи, за разлика од реалноста, каде што сите се раѓаме како атеисти, и потоа ја бираме (или најчесто ни ја наметнуваат) нашата религија, религиозните луѓе тврдат дека се раѓаме како христијани/муслимани (не сум имал контакт со будисти/евреи, но верувам дека и кај нив е слично) а потоа паѓаме на лагите на „ѓаволот“.

Но една работа што никако не можам да ја разберам е, како суштество кое е наводно семоќно се фокусира на само еден регион? Мислам, Шварценегер е гувернер, обичен човек, па пак мисли на цела Калифорнија, не само на Сакраменто. Евреите на пример го избегнале овој проблем на многу едноставен начин. Нивниот бог е буквално нивни бог. Тој мисли на нив, и толку (но сепак не разбирам зошто бог кој ги создал сите луѓе би преферирал еден народ пред друг). Зошто сите религии се шират од една точка нанадвор како шумски пожар. Дури на моменти изгледа како некој човек да го подметнал тој пожар, нели?

За разлика од други митолошки суштества, кои можат да се најдат во речиси сите митологии (џинови, змејови, волшебници), Јахве/Исус/Алах некако сомнително се појавил само на Блискиот Исток. Баш ме интересира како некој верник ќе го објасни ова... Зошто додека Исус нè „спасувал“ нас во околината на Средоземното Море, неговиот брат не ги спасувал домородците во Северна и Јужна Америка, Африка, Австралија...

Рај и пекол

2010-08-25T17:37:00.002+02:00

Едно кратко видео, на тема рај и пекол...

Сега, верниците не можат да ми се лутат мене, зашто ова го кажува бискуп... Во православниот систем ова би било владика? Хиерархија? Па нели сите бевме еднакви? Чудно, дури и двосмислено... Како свештениците да не се согласуваат со богот на кој му служат.

Помалку муабет

2010-08-24T01:50:00.002+02:00

Не знам зошто, ама песнава ми се сврте во глава, можно е прееска да ми се уклучи нешто од Елвис Присли на Винампот, ама не сум сигурен...

Ај за да не биде постов само Елвис, еве и една „слика“.
Поздрав.

Животот е убав

2010-08-23T07:13:00.004+02:00

Оваа песна отсекогаш ми била химна. Не сум се жалел дека животот ми е тежок. Напротив, баш ми е ОК.

Многу е лесно да седнам пред компјутер, да се напијам од кафето, и да се жалам како животот ми е тежок зашто немам пари за RX-8 и не можам да ги играм Modern Warfare 2 и Red Dead Redemption.

И не сакам да се жалам, ама што да правам кога очигледно потсвеста ми е заебана до овој степен. Пред некој ден сонував невообичаен сон. Невообичаен беше зашто беше нормален. Немаше чудовишта, ѕверови или зомбиња, небото не беше зелено а растенијата не беа виолетови како по обичај. Сосема нормален сон, сместен во нормален свет. Толку беше нормален овој сон што дури и бев убеден дека сум буден. Не се сеќавам на целиот сон, но се сеќавам на оној дел што ме рабуди. Обично се будам во моментот кога ме напаѓа некој од претходно спомнатите станари на мојата потсвест, но овој пат ме разбуди нешто убаво.

Значи, како што пишав, бев убеден дека сум буден. И додека сè си течеше нормално во сонот, некој од моите соговорници ми подаде подарок, мала кутија. Ја земав кутијата, ја разгледав, ништо невообичаено. Кога ја отворив, видов дека внатре има неколку секојдневни предмети кои јас не ги поседувам, но ете некогаш сум ги посакал. Во тој момент, моментот кога ми се случи нешто убаво, тогаш сфатив дека средината во која се наоѓав, за која до пред само неколку секунди бев убеден дека е реалност, е всушност само сон и се разбудив.

Па добро бе... Колку треба да ти е пореметена потсвеста за нешто убаво да ти биде потсетник дека она што е околу тебе не е реалност...
---------------------------------------------------------
Знам дека третото видео за разлика од првите две не е баш во согласност со постот, ама сакав да го ставам, па трпете...

Умот на Фриман 29

2010-08-17T22:03:00.001+02:00

Дваесет и деветтата епизода од „Умот на Фриман“.

„Умот на Фриман“ - Машинима на Рос Скот

Tолку за сега... А кога ќе има нов дел, ќе го споделам со вас.

Ислам - религија на „мир“

2010-08-13T14:09:00.003+02:00

Исламот бил религија на мир. Хаха, добар виц. Во последно време и во Македонија почнавме да гледаме како следбениците на религијата на мирот се подготвуваат да се испотепаат меѓу себе. Факт е дека исламот е штетен и мора да се спречи што е можно побрзо, за доброто на сите. Еве три работи кои најверојатно не сте ги знаеле за Исламот:

Исламот не е религија, исламот е идеологија чија цел е создавање на глобален тоталитарен режим... Историјата ни покажала како треба да се постапува со ваквите идеологии. Кога пред 71 година претставниците на одредена идеологија почнаа да ги прошируваат нивните граници преку мирна дипломатија, Британија и Франција ќутеа, ама за 18 дена е седумдесет и првата годишнина од денот кога добија непријатно освестување...

Но за жал, се повеќе добивам впечаток дека и овојпат сите ќе ќутат и ќе чекаме некој да изврши инвазија на Полска за да има реакција...

Геј бар

2010-08-11T13:14:00.002+02:00

Во Америка, најмногу во Њујорк во моментов има дебата за тоа дали да им се дозволи на група муслимани да изградат џамија на еден блок од местото каде што се наоѓаше СТЦ. Според американскиот устав и американските закони, нема основа да им биде забрането тоа. Сепак, како што кажуваат самите, не го прават тоа за да провоцираат, туку за да изградат врска помеѓу истокот и западот, и да ги урнат американските предрасуди за исламот.

Слична цел има и Грег Гатфелд, тој сака да ги урне муслиманските предрасуди за хомосексуалците.

Време е да се изгради геј бар кој ќе биде „Халал“. Зошто да не можат хомесексуалците муслимани да се забавуваат слободно, без страв. Вака ќе можат веднаш после молитва да отидат и малку да потанцуваат (или пред молитва, што им се гледа попристојно).

Се надевам само дека Грег Гатфелд нема да се направи педер и да се премисли...

Легализирање на марихуана

2010-08-10T13:38:00.003+02:00

Колку долго спиев? Јас мислам дека беа некаде околу 10 часа, ама можно е да грешам. Зошто? Зашто конзервативциве (барем оние во Америка) почнале да размислуваат...

Бог да чува и да брани... Ова е знак дека апокалипсата се ближи... Епа, ако сте биле добри, се гледаме во рајот крај вулканот од пиво и стриптиз барот, ако сте биле лоши, уживајте во пеколот*.
----------------------------------------------
* Според Пастафаријанизмот , пеколот е идентичен со рајот (вулкан од пиво до стриптиз бар) само што пивото е изветреано а стриптизерките имаат сексуално преносливи болести. Ви требаше доказ дека Пастафаријанизмот е супериорен во однос на сите други религии. Ете ви го.

Смрт

2010-08-09T02:47:00.002+02:00

Можеби малку морничава тема, но налетав на интересно прашање, па решив да ви го поставам и на вас. Прашањето е „На која возраст би умреле ако не беше модерната наука/медицина?“ Значи, размислете, кога сте имале операција, дали сте имале проблематично раѓање, дали сте се родиле предвреме и слични такви работи кои за модерната медицина се обични секојдневни рутински процедури, но пред 500-1000 години би биле погубни.

Јас мислам дека ќе сум умрел на 5 години кога си ја пукнав аркадата (инфекции и слични глупости). А ако живеев пред 1000 години, и да ја преживеев инфекцијата, најверојатно ќе ме спалеа на клада на околу 11 години (кога модерниве доктори мислеа дека сум епилептичар - ама за среќа не сум - пред 1000 години сигурно ќе мислеа дека сум опседнат или вештер)...
----------------------------------------------------
* Дополнителни информации: Пред 1000 години околу 25 од 100 деца умирале пред да наполнат 1 година. Од останатите уште околу 25 умирале пред пубертет.
** Видеото е за да не биде многу мрачен постов... Види, има убаво девојче...

Почесна стрелба

2010-08-07T15:28:00.002+02:00

Утрово пред да излезам од дома на МТВ ја чув песнава, и се заглави, па цел пат до центар и назад ми се вртеше во глава... А си ја немам во Винампот...

Само оваа ја имам...

Поздрав до сите.

Исус... LOL

2010-08-06T17:07:00.005+02:00

Сликава ме насмеа... Па затоа ја споделувам со сите за и вие да се насмеете... А научно е докажано дека смеењето е добро за здравјето, значи мислам на вас.

Религиозни луѓе... Ако немате смисла за хумор... Помолете се господ да ви ја даде, Исус рекол дека ќе ја остварува секоја желба од вистинските верници* (Матеј 21:22, 7:7-8; Јован 16:23; Марко 11:24)...
-----------------------------------------
* Ете ви начин за да проверите дали сте вистински верник или само следите трендови...

Планетарно подредување - 2012

2010-08-06T11:40:00.004+02:00

Четири планети + ѕвезда + зајдисонце = Закон фотографија...

Толку за сега... Жешко е... За разладување, мало потсетување на времето кога телевизијата завршуваше навечер... И кога единствена телевизија беше МТВ.

Р.Ѕ. Открив што е лошо кај уживањето во возење велосипед... Велосипедски тен (познат и како фармерски/земјоделски, шоферски)...

Смртта на Џон Ленон

2010-08-05T17:58:00.003+02:00

Никогаш не сум бил фан на Битлс, ни па на Џон Ленон, па не ме интересирала причината поради која умрел... Но, ете денес читав топ листа на најпознатите последни фотогрфии (фотографии од луѓе кои умреле набрзо откако биле направени). Додека читав за првото место на топ листата - Џон Ленон, ми падна чудно зошто никогаш не сум проверил зошто Марк Дејвид Чепман решил да земе Smith & Wesson .38 и да го убие Џон Ленон.

Последната фотографија на која Ленон му дава афтограм на Чепман (во аголот)

Според она што успеав да го дознам, Чепман бил голем фан на Битлси и посебно на Ленон, но откако Џон Ленон изјавил дека „Битлси се попопуларни од Исус“, Чепман престанал да биде фасциниран од Ленон и се прашувал зошто некој со кој тој се идентификувал би богохулел на тој начин...

Значи, Џон Ленон бил убиен од религиозен фанатик... Какво изненадување...

Почитувајте ги животните

2010-07-31T13:01:00.004+02:00

Не кријам дека не ги сакам РЕТА, не за друго туку зашто се лицемери, а нема ништо што мразам повеќе од лицемери. Имам напишано пост за нивните ретардирани кампањи со кои се обидуваат да привлечат подржувачи преку прикажување на разголени познати вегетеријанци... Можеби тоа им успева со луѓе кои немаат сопствена личност, па ги копираат оние од Холивуд , ама за среќа колку што знам таквите безлични суштества се малцинство...

Имам пишувано и за нивната лицемерност и пребирливост околу тоа кои животни ќе ги заштитуваат, а кои не. Епа РЕТА, или како што би требало да се викаат РНТА (People for Hypocritical Treatment of Animals) се надминаа себеси...

Јасна и гласна порака... Почитувајте ги животните, не жените.

Да се разбереме, не ги сакам циркузите, ама оваа кампања е едноставно ретардирана... Што е следно, „Ќотекот излегол од рајот... За жени, не за животни“... Поентата ми е, преку глава ми е да ми попува за третман на животни организација која ги убива кучињата и мачките кои нема да бидат посвоени. Исто така, заменик претседателот на организацијата немаше да биде жива ако не беа медицинските тестирања со животни... Ама за РЕТА тоа не било лицемерно...

Шверц на кокаин

2010-07-30T11:42:00.002+02:00

Значи, веќе ви кажав дека имам тенденција да сонувам забегани глупости, ама последниов сон беше ептен забеган... Го сонував сабајлево, и кога се разбудив седнав го запишав па после продолжив да спијам...

Сонот почна како епизода од Top Gear или нешто слично. Значи имаше тројца пријатели (кои личеа на водителите од Top Gear) кои решија да започнат бизнис со автомобили што ќе внесува проблематични предмети во градот (делови од градот изгледаа како Лондон, делови како Њујорк а делови како Скопје). Поголемиот дел од сонот јас го гледав во трето лице, поточно како да го гледав на телевизија.

Значи, овие тројца пријатели внесуваат во градот предмети што никој друг не може, или се невозможни за внесување. Имаат неколку успешни „акции“, по што добиваат телефонски повик од мистерипзна личност што јас не ја гледам, ама можам да го слушнам преку телефонот. Гласот му е длабок и рапав, па добивам чувство дека не треба да му верувам (ништо лично ако имате длабок рапав глас). Поради телефонскиот разговор тројцата пријатели решаваат да направат пауза, по што сонот станува мирен.

Подоцна, сонот продолжува, и сега јас сум еден од тројцата пријатели, и ми се јавува еден од другите двајца за да ми кажат дека ќе пробуваме уште еден увоз, но овој пат нешто нелегално. Пратката е десет килограми кокаин но некој друг вози. Јас се качувам во мојот автомобил и одам да се сретнам со другите двајца на бензинска. Ми кажуваат дека решиле да пробаат за да видат дали ќе им успее... На облог...

По некое време се јавува возачот, кој всушност е типот со длабокиот рапав глас. Се жали дека не било лесно и дека колата не може да ја поднесе тежината уште долго, но ќе стигне на договореното место за десет минути. Тука сонот повторно го гледам како на телевизија. Го гледам телефонот на типот, по што се повлекувам наназад и гледам дека караванот што го вози е целосно покриен со цигли кокаин, а амортизерите се клекнати до земја.

Се наоѓаме со него на мост, по што тој не следи до договорена локација каде што треба да растовариме... По пат другите двајца ми се јавуваат и ми кажуваат дека работата станала ептен сериозна, и дека идиотот земал десет тони наместо десет кила. Се договараме да се паркираме малку настрана, а типот си застанува до пумпа како ништо да не се случило. Типот излегува од кола, среќен што му успеало и покрај тоа што било комплицирано, и после тоа оди кај тоалетите. Ние тројца му ја здувнуваме и тргнуваме во различни насоки кон што е можно пострмин ридови.

Е тука сонот станува стандарден сон каде што нешто ме брка. Возам по највисокиот рид што можам да го најдам, ама ми се расипува колата. Излегувам и почнам да одам нагоре (да, одам, не трчам). Се приближувам до Т раскрсница, и во далечината гледам ракун или мало куче. Вртам десно за да поминам низ напуштена бензинска. Се вртам назад и гледам дека животното што го видов претходно сега е пантер или јагуар и иде право кон мене. Се качувам на една од пумпите (како тоа има шанси тоа да ме заштити) и почнувам да барам по џебовите нешто што може да се искористи како оружје. Наоѓам запалка (што е чудно зашто не пушам) и мала батериска ламба закачена на клучевите од колата. Мачкава почнува да кружо околу мене, и тука се будам.

Трет пат сонувам како некој ме брка во последниов месец. Првиот пат беше ова, вториот пат ме бркаа и ме фатија постапокалиптични разбојници, се разбудив откако нивниот водач извади мала бормашина и почна да се смее како психопат. Исто така, втор пат ја сонувам истата мачка...

Фашистички лидер

2010-07-29T13:06:00.003+02:00

Американцине имаат тенденција за храбра личност да речат дека има тестиси со големина на љубеници, или тестиси од месинг... По таа логика, овој ирански студент има тестиси со големина на фудбалски топки направени од Inconel 625...

Жално е што олку храбра личност мораше да умре, но мора да се почитува неговата постапка...

Затоа, ќе ве замолам за минута молк во сеќавање на овој храбар човек...

Железна девојка

2010-07-28T19:27:00.003+02:00

Мене ми се чини или се почесто сум оставен без инспирација... До пред месец дена пишував минимум по еден пост дневно, а сега добар сум со еден на три дена... Ама па претходно пишував за политика, што значи подобро ќе беше да не сум ни пишувал воопшто. Сакам само да се извинам ако ми се повтори некоја тема, или пост.

Знам дека имам и порано пишувано постови со песни од Iron Maiden, ама еве пак...

Бидете ми поздравени луѓе...

Злосторства на американската војска во Ирак

2010-07-27T18:49:00.004+02:00

Неколку шокантни слики од злосторствата кои американските војници секојдневно ги извршуваат во Ирак. Како што може да се види од сликите, жртвите се деца. Но, прво, една интересна работа... Баш денес, кога сакав да ги постирам сликиве, пред неколку часа, добив меил од наредник Лоренс Вилсон кој е стациониран во Ирак.

Тој ми пишува дека војниците секојдневно биле подложени на напади од востаниците и импровизирани експлозивни направи. Понатаму во меилот ме известува дека во 2009 година тој успеал да приграби 10 милиони евра (да, токму така, американец нашол евра во Ирак), и би сакал со моја помош да ги изнесе парите од Ирак зашто не знаел уште колку долго војската ќе останела таму. Планот му е да ми ги прати парите како воен транспорт маскиран со дипломатски имунитет... И нормално јас за мојата мака ќе добијам процент...

Комедија... Инаку, како што ветив, еве ги сликите од американските злосторства...

Војниците се ослободуваат од гнев со фрлање на деца
Војник тера дете да виси за прст
Војник измачува деца за информации со скокоткање
Поради недостиг на храна војниците почнуваат да јадат деца
Мало дете пркосно го каса војникот во самоодбрана

Ако очекувавте поинакви слики... Срам да ви е...

Дом

2010-07-25T18:43:00.002+02:00

Дом... "Home is where the heart is", "Home is where you hang up your hat" и уште многу слични изреки...

Edward Sharpe & The Magnetic Zeros - "Home"

Епа... Толку за денес. Ми снема инспирација, а ми затворија во продавница...

Вашиот бог/HURTS - Wonderful life

2010-07-24T09:42:00.003+02:00

Пишував за популарните реклами на Олд Спајс, и тоа двапати. Е сега, како и секогаш кога некој креативец (во случајов двајцата автори на рекламата) ќе добијат оригинална идеја, интернетот ја прифаќа и добивате пародии и имитации. Еве една:

Клик за поголема резолуција

Во јануари бев опседнат со песнава, групата беше новоформирана и ова им беше единствената песна. Песната е за животот, и за тоа како вреди да се бориш за него, колку и да е тежок , само заради неговите убавини.

Wonderful life

Од јануари наваму некако малку заборавив на песната, а со тоа и на групата. Норманлно, Винампот пробуваше да ме потсети, но јас го игнорирав. Една од причините поради кои ја избегнував песнава беше зашто знаев дека ако почнам пак да ја слушам, ќе пробам да дознаам што направила групата од тогаш, што автоматски со себе носи ризик дека ќе бидам разочаран.

Better than love

Секогаш постои ризикот некој пеач или група да биде "One hit wonder", но понекогаш постои ризик дека новите песни ќе бидат толку лоши што ќе ве одвратат од онаа оригиналната која сте ја засакале... Во случајов не е така, ми се допаѓаат и новиве.
-----------------------------------------------------------
Р.Ѕ. Скопје е многу убаво место за возење велосипед во шест наутро.

Наука во црквата*!!!

2010-07-23T21:11:00.007+02:00

Има некои луѓе/појави кои можат да се наречат „јаки“, додека некои заслужуваат да бидат наречени „легендарни“. Но постојат и оние луѓе/појави кои да се наречат било што помалку од „ЕПСКИ“ би било криминал. Овој студент по хемија е совршен пример!

Клик за поголема резолуција

Како што може да се види од логиката на студентов, сите ќе одиме во пекол**, значи, ве молам престанете да попувате...

И нормално, ништо не би било епско без малку Дарт Вејдер/МС Hammer. Или Дарт Хамер!

Мој предлог е да го гледате на цел екран, по можност со 480p резолуција.
-----------------------------------------------------
* Хахаха... Априлили
** Претпоставувам дека сите одиме во истиот пекол. Е сега вашиот пекол ќе биде онаков како што вашиот мозок ќе ве убеди дека е, што значи, што позаебан си го замислувате пеколот, полошо за вас.

Мажите се кучиња!

2010-07-22T16:29:00.003+02:00

Обично не сум фан на генерализирање зашто ништо добро не излегло од генерализирање, но сепак, оваа метафора е точна. Барем така вика сликава...

Се прашувам зошто компјутерите на Apple се поскапи од сите останати... Најверојатно плаќате за јаболкото што го ставаат внатре.

Како се прави контра протест? Вака!

И, во духот на случајноста, еве и една песна. Винампот ја препорача.

Поздрав до сите. А да, уште нешто... Тор, ЕБИ СИ МАЈКАТА!!!

Марихуана... Нелегална?!

2010-07-21T12:16:00.005+02:00

Немам напишано пост два дена, па си реков, ај да пробам... Еве неколку фотографии, да се насмеете...

Би сакал да знам каде живее типов, за што побргу да се преселам таму...*

Да не се лажеме

Сите сме се родиле како атеисти, затоа е потребна индоктринација од мали нозе...

Не знаете како се вика вода во шише? Од сега е конзервирана вода!

LOL

Повеќе не можам... Жешко е.
--------------------------------------------
* Доколку постои место каде што е легално да се поседува Дилон Аеро М134, одма одам таму...

Свинско

2010-07-19T22:44:00.002+02:00

Како што кажа Цацко - додека не пробам лав, прасето е за мене крал на животните...

Ако сакате, имате опција оваа песна да ви се врти константно во позадина додека си сурфате на интернетот... Само кликнете плеј, и автоматски ќе се повторува додека не го исклучите јазичето...

Среќен крај

2010-07-18T06:49:00.004+02:00

Едно време не ги сакав цртаните на Дизни... Не, не зашто Волт Дизни бил антисемит. Ме нервираа зашто беа нереалистични. Секој цртан завршуваше со среќен крај, Снежана оживеа и си го најде принцот, Ариел на крајот си заврши со принцот (и само требаше комплетно да се промени - интересна порака до девојчињата), Бела се заљуби во ѕверот и тој стана принц...

Но, после ми текна дека, само затоа што нешто има среќен крај не значи дека е нереалистично...

Како што подвигот на Џон Меклејн, кој успева сам да убие дузина терористи да спаси 3-40 заложници и да ги врати парите, не е нереалистичен. Или како оној на Џејмс Т. Кирк, кој патува низ галаксијата со брзина неколку пати поголема од светлината, и притоа успева да ја легне секоја згодна вонземјанка не е нереалистичен.

Поука, „Среќен Крај“ постои, и се случува секој ден, насекаде на земјава... Само не на мене (или на некој што го познавам).

„Уставно име“

2010-07-17T12:34:00.005+02:00

Претходно веќе пишав за одличната реклама за Олд Спајс. Епа типовите се надминаа себеси кога решија да им се заблагодарат на сите кои напишале нешто за нив на Јутуб, Фејсбук и Твитер. Олд Спајс, или поточно Ајзеа Мустафа лично им се заблагодарува на сите со посебно видео, еве само едно од нив:

Гледате, дури и компанија која произведува производи за лична хигиена знае дека името не е за заебавање... Името треба да се почитува... По секоја цена...

Ако сакате да ги погледнете сите видеа (предупредување: многу се), еве целосна плејлиста линкот води до првото видео (за оние кои сакаат хронолошки редослед) што значи, ако сте мрзливи, кликнете на она што е на врвот.

10 прашања за интелегентни христијани

2010-07-16T10:39:00.004+02:00

Го најдов видеово на Јутуб, па си реков, ајде да видам, може некој од нашите блогерски христијани ќе знаат како да одговорат на прашањава. Сепак, иако цитатите во Библијата се од King James Bible, идентични се со оние од онаа одобрената од МПЦ. Единствената разлика помеѓу православните и католичките/протестантските библии е што кај вторите има 7 дополнителни книги/евангелија помеѓу „Евреите“ и „Откровение“, освен тоа, се е идентично.

Имаше и видео од христијанин со неколку одговори (поточно избегнување одгвори) но, авторот го избришал видеото, па не можам да го ставам и тоа.

Кензо „Танга“

2010-07-15T19:36:00.006+02:00

Денес видов колку ни се интелегентни политичариве... Мислам кај не ја употребија идејата за Скопје на Кензо (што ќе го направеше градов еден од најтрактивните/футуристички/инвентивни градови) туку не можат ни името да му го запомнат...

Но, не е тоа важно, не пишувам за политичари... Добив инспирација да споделам еден летен хит...

Sisqo - "Thong Song"

Нормално, и една слика соодветна за темата на песната...

Поздрав! Stay frosty! Особено во летово ни наше...

Чудо - знак на вистинската религија

2010-07-15T09:37:00.003+02:00

Утрото на 11 јуни 1963 година, на улицата бред амбасадата на Камбоџа во Сајгон (денешен Хошимин) започнал еден чудесен настан. Од блиската пагода, околу 350 будистички монаси, распоредени во две колони, предводени од еден Остин Вестминстер, се приближиле до амбасадата и застанале на крстопатот на булеварот Фан Дин Фунг и улицата Ле Ван Дујет. Монасите носеле транспаренти на англиски и виетнамски на кои пишувало дека не го признаваат режимот на Дием поради дискриминацијата на будистите, и барале религиозна еднаквост.

Автомобилот застанал во средината на крстопатот, и од него излегле тројца монаси. Едниот од монасите кои излегол од автомобилот поставил перниче на асфалтот, додека другиот го отворил багажникот и од него извадил 20 литарска канта со бензин. Додека останатите монаси полека се распоредиле во круг околу крстопатот, третиот монах, Тич Куанг Дук, мирно седнал на перничето, во класичната поза за медитација. Во тој момент другите двајца монаси ги истуриле дваесетте литри бензин врз главата на Тич Куанг Дук, по што тој кажал молитва, запалил шкорче и се запалил...

Еден од присутните новинари Дејвид Халберстам го опишал настанот вака:

Видов сличен настан и подоцна, но еднаш беше доволно. Пламен излегуваше од човечко суштество; неговото тело полека се исуши и збрчка, неговата глава поцрне и се јагленоса. Во воздухот имаше мирис на изгорено човечко месо; луѓето горат изненадувачки брзо. Зад мене можев да го чујам плачењето на Виетнамците кои почнаа да се собираат. Јас бев премногу шокиран за да плачам, премногу збунет за да запишувам белешки, премногу изгувен дури и за да мислам... Додека гореше воопшто не се помрдна, не пушти звук, неговата смиреност беше во контраст со луѓето кои плачеа и викаа околу него.

Полицијата се обидела да го спречи, но насобраните монаси не им дозволиле да се приближат, а еден од полицајците се поклонил пред Тич Куанг Дук. Голем број од насобраните од шок молчеле, додека другите плачеле, викале а некои почнале и да се молат. После околу десет минути телото на монахот се струполило нанапред по што огнот замрел. Група монаси го покрила јагленосаниот труп со жолти наметки по што го подигнале го ставиле во ковчег и го однеле во блиската Кса Лои пагода. Таа вечер, илјадници сајгонци тврделе дека на зајдисонце го виделе Буда на небото, и дека тој плачел.

На погребната церемонија која се одржала на 19 јуни, телото на Тич Куанг Дук било рекремирано, но неговото срце останало неоштетено од огнот. Срцето било сметано за свето, па било поставено во стаклен сад во Кса Лои пагодата. Неоштетеното срце станало симбол на сочуство. Кај виетнамските будисти Тич Куанг Дук има статус на бодисатва.

Октоподот Пол умрел

2010-07-14T09:42:00.003+02:00

Пол, наводно видовитиот октопод, кој стана популарен со неговите предвидувања за победниците на натпреварите од Светското Првенство во Јужна Африка... Трагичниот настан се случил кога оние задолжени за одржување на аквариумот и исхраната на Пол направиле катастрофална грешка со знамињата...

Кутрото животинче... Еј, барем вака Шпанците ќе можат дa си го подговат по сопствен рецепт и да го изедат а да не изгледаат како неблагодарни скотови...
------------------------------------------------
Сликата е од одличниот карикатурист Нил Џоунс кој работи за Sport.co.uk.

Хуго Чавез... Лицемерно копиле...

2010-07-14T00:16:00.003+02:00

Хуго Чавез, диктаторот од Венецуела бил љубител на Твитер... Од неговото приклучување на сервисот има околу 550 твитови, понекогаш повеќе од десетина дневно, па човек ќе помисли дека Хуго е фан на микроблогирањето и слободата која ја симболизира... Сепак, за разлика од други земји во кои нема слобода, како Иран или Кина*, во Венецуела Твитер не е забранет.

Но очигледно Хуго Чавез е типичен диктатор, лицемер кој живее според максимата "Do as I say, not do as I do", па така двајца твитерџии од Венецуеала се соочуваат со 11 години затвор зашто во 140 карактери или помалку ги критикувале националните банки, а истата судбина може да ги снајде уште петнаесет твитерџии. Едниот од обвинетите, 41 годишниот Луис Акоста Оксфорд, напишал:

Ladies and Gentlemen, don’t say you weren’t warned... Pull out today... I’m telling you, there are just a few days left.

Не му е првпат на дебелото копиле да направи нешто вакво, пред некое време неколку телевизии беа затворени поради критики против власта, а во март побарал и специјален закон за регулирање на Интернетот кој би му дозволил да цензурира сајтови кои не му се по вкус...

За ова дознав преку Филип Дефранко.

Немам твитер, па ако некој што има случајно сака да ми го изрекламира постов... Да... Дури сега се смеам на изјавите на некои леичари дека Венецуеал била убаво место за живеење...

Хм... Се прашувам колку долго ќе опстоеа СССР и СФРЈ во ова модерново време, со сервиси како блогови, твитер, јутуб итн. Претпоставувам дека јас до сега неколку пати ќе бев повикан на информативен „разговор“, нормално, под услов да не се вршеше цензура на Blogger.com. Блогерај, сериозно, немаше да постои, или поточно, ќе постоеше, но најверојатно ќе требаше дозвола од полиција за отварање блог...
---------------------------------------------------------
* Саудиска Арабија го следи примерот на овие две, блокирајќи ги „акаунтите“ на двајца микроблогери.
Демократска Народна Република Кореа го нема овој проблем, тие го имаат решено на прилично едноставен начин. Не со цензура, туку со тоа што само тројца луѓе во целата држава имаат пристап до интернет (дното на списокот)... Најверојатно Ким Јонг Ил и двајца од тојцата синови или двете ќерки...

Еволуција на ракетите

2010-07-13T10:04:00.002+02:00

Роналд Ли Ерми е поранешен подофицер од Маринскиот Корпус (Маринците) на ОАД, кој стана популарен во седумдесетите откако започна да глуми. Едно од првите појавувања во филм му е во Apocalypse Now (1979) каде што глуми пилот на хеликоптер во сцената со нападот на селото и има 1-2 реплики. Најпопуларната улога му е наредник Хартман во Full Metal Jacket (1987) на Стенли Кјубрик каде што игра типичен инструктор (многу викање, навреди и сл.). Во поново време Роналд Ли Ерми си има емисија, на History Channel, за оружје, од пиштоли до топови и тенкови, нивната историја и употреба во разни конфликти.

Делови од неговата емисија, барем како што мислев, се многу ретки на Јутуб, па затоа се изненадив кога најдов цели епизоди. Темата е „ракети“, или како што кажува насловот на постов, еволуција на ракетите:

Lock N' Load: Rockets 1/5

Lock N' Load: Rockets 2/5

Lock N' Load: Rockets 3/5

Lock N' Load: Rockets 4/5

Lock N' Load: Rockets 5/5

Пред да ги гледате видеата (ако ги гледате), а знам дека никој не пушта видео пред да го разгледа цел пост, морам да кажам дека во видеата е анализирана еволуцијата на ракетата како оружје. Значи за жал нема ништо за употребата на ракетите како огномет, обидите за создавање на „поштенска ракета“ на почетокот на XXот век или за употребата на ракетите во првите чекори од истражувањето на вселената...

Музика за добра ноќ

2010-07-12T23:31:00.004+02:00

Само една песна, ништо повеќе...

Ништо друго, само една песна, за добра ноќ, и пријатни сништа...

Ако атеистите се однесуваа како верници

2010-07-12T00:52:00.003+02:00

Да, денес видов навидум интелегенти луѓе да паднат на тест на едноставна логика. Што да правиш, и тоа се случува, сепак не може да им се замери, секој знае да згреши.

Значи, често слушаме од припадници на одредени религии, меѓу кои најгласни се христијаните дека се чуствуваат прогонувани и нападнати од атеистите и дека атеистите со сила им ја наметнувале нивната религија. Мислам, заборавете на момент на фактот дека во целиот свет, од 6 милијарди луѓе помалку од 3 проценти се изјаснуваат како атеисти... Значи, уникатна ситуација, помалку од сто осумдесет милиони луѓе со сила им ги наметнуваат своите верувања на нас*, повеќе од пет милијарди осумсто милиони... Ништо чудно што немаме остварено контакт со вонземјани, или се плашат од атеистите (кои очигледно имаат натприродни моќи) или умреле од смеење кутрите...

Сепак, најсилното оружје на атеистите е Библијата (и другите „свети“ книги да не ме разберете погрешно), па иако не сум атеист, ќе пробам да ги претставам достојно:

Матеј 5:41 Ако некој те принуди да одиш со него една милја, ти оди две со него.

Па како би изгледал свет во кој атеистите би се однесувале како нас верниците? Ова видео би требало да ви илустрира. Не се плашете да го изгледате, нема ништо од таа религијата нивна... Го проверив.

Најчест аргумент на креационистите е „Еволуцијата е само теорија, и ние бараме Креационизмот (или откако во Америка истиот беше оценет како религиозна догма а не наука „Интелегентен Дизајн“) да добие иста застапеност во училиштата, па децата и родителите нека одлучат во што ќе веруваат“. Едно прашање... Дали би прифатиле Оџа/Рабин/Поп да одржува неделна служба во вашиот храм?
----------------------------------------------------------------
* Некои луѓе почнаа да шират гласини дека јас сум бил атеист. Јас искрено се чуствувам навреден од овие неосновани обвиненија. И ве уверувам дека, како што пишува на мојот Фејсбук профил, јас сум Пастафаријанец а не безбожен атеист.

ЕБР - Единица за Брзо Распоредување

2010-07-11T10:47:00.002+02:00

Се извинувам за насловот, но ако го пишев оригиналниот (SWAT - Special Weapons and Tactics), постов немаше да излезе на насловна... Одамна немам препорачано некоја игра, па си реков зошто да не оваа. SWAT4 е предизвикувачка игра која ве става во чизмите на водач на ЕБР тим. Мисиите во играва се разни, од заложнички ситуации во продавници и забарикадирани религиозни фанатици до потенцијални дипломатски инциденти.

Играва спаѓа во категорија Tactical Shooter, што значи дека нема да ви успее доколку се обидете сам да ги убиете сите. А дури и да ви успее, нема да ја поминете мисијата, бидејќи се добиваат казнени поени за непотребна употреба на сила, убивање и непријавување на одреден настан... Еве како изгледа првата мисија во која треба да исчистите сендвичара, заедно со станот кој се наоѓа над неа и да обезбедите Mac-10 како доказ:

Во оваа игра, за разлика од повеќето други игри кои сум ги играл, различните нивоа на тежина не го менуваат начинот на кој реагираат осомничените и вашиот тим, ни па влијаат врз бројот на осомничени. Најлесното ниво Easy ви поставува долна граница 0/100, за поминување на одредена мисија, Normal 50/100, Difficult 75/100 и Elite 95/100. Поените се добиваат за поминување на мисијата без да бидете повреден, без да загубите член на вашиот тим, ослободување на заложници и обезбедување на сите парчиња оружје, поени се губат за непотребна употреба на сила, непотребно убивање на осомничен, а ако вие, или некој од осомничените убие заложник, мисијата автоматски пропаѓа.

Значи... Ако сакате да видите како е да се биде во чизмите на ЕБР или SWAT, најдете ја играва. Идеално би ви рекол да ја купите, но ако најдете убав торент, си ја знаете процедурата...

Купувам Бандини

2010-07-10T19:23:00.002+02:00

Сериозен сум, сакам да купам Бандини... Немам многу пари во моментов, да, но ја ни барам во одлична состојба. Може да е и постара, па дури и од првите, не е проблем. Единствено на кое не попуштам е да биде Бандини... Не, не мислев на оваа Бандини од Ѕинговизија...

Зборам за класична спортска кола произведена од Бандини Аутомобили. Фрлив око на Бандини-Масерати 1500 од 1952, но може и било кој друг модел. Само да не е Бандини 1000 турбо... Многу грда кола...

Велосипедизам

2010-07-10T12:37:00.002+02:00

Девет години се немам качено на велосипед, што поради недостиг на истиот, што поради мрза, но ете, девет години, ништо... Сега, не знам што ме снајде денес, но решив да се повозам, ама не полека. Се дотерав, си пуштив Рамштајн на Apacer-от, и тргнав да возам 19km... После 3,5km веќе почнав да му завидувам на Канчелара за моторот...

Ама, пусти инает, нема откажување... Ги завршив 9,5km до кај соборна, направив мала пауза, па ајде назад... По извозени 19km дојдов до два заклучоци:
а) иако се поминати 9 години, не сум заборавил како се вози велосипед (што значи точна била онаа поговорката "It's like riding a bike" и
2) немам кондиција ни за лек...

Значи, дефинитивно ќе возам пак во блиска иднина, ама мора на малку пократка патека... Барем на пола...

Џенесис - Исус ме знае

2010-07-09T11:42:00.003+02:00

Ми се јави желба да си пуштам една песна од Џенесис, па слушајте и вие... Ако забележите Genesis 3:25 во публиката, не се мачете да го барате, нема таков стих во Библијата, и тој знак ја означува групата (3 членови, 25 години заедно).

Една слика, мора секогаш да ставам слика. Оваа е за Загинатиот, што се израдувал за Еми номинациите за Загубени.

Па ајде кога веќе пишувам, уште малку музика... Знаете како викаат "Music tames the savage beast"...

И една специјално за сите оние што мислат дека песнава е уништена од страна на SNL...

WHAT IS LOVE!!!

Атеисти

2010-07-08T18:59:00.005+02:00

Во право уште од 33 година од новата ера...

Еве ви неколку цитати на тема атеизам. Има и добра музика, па ако ве плашат цитатите, пуштете го во позадина.

Велат, пред фактите и боговите молчат. За жал, тој што го кажал тоа не чул за фанатизам... Ех да можев да бидам и јас атеист... За жал, мојата религија не ми дозволува...

Христијанството и Астрологијата

2010-07-08T13:26:00.001+02:00

Црквата, во оваа денешнава конзервативна форма, вика дека астрологијата ги оддалечува луѓето од црквата и од богот. Ги разбирам, сепак, ако на луѓето им принесеш две фантазии, секогаш ќе ја проголтаат поинтересната. Но интересно е да се види ставот на црквата од пред 600 години... Каде? Еве на пример во Лесновскиот Манастир... Таму се наоѓа фреска која според некои е уникатна во целиот христијански свет.

Пред шест века, 600 години, во времето кога на жена и било забрането да влезе во црква без шамија, кога некрстен човек бил слуга на ѓаволот, а изговарањето на името на богот се сметало за богохулие, била насликана оваа астролошка фреска. И тоа ни помалку, ни повеќе туку лево од Исус (на неговата десна страна)... Интересно, нема што. Значи, некој монах (може дури и некој со повисок чин) ја видел фрескава, и во неа не видел ништо лошо, туку само дел од митологијата. Можно е дури и да ја нарачал...

Извор.

Креационисти, зошто луѓето им се смеат? (11)

2010-07-07T20:32:00.001+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Триесет и прв дел

Триесет и втор дел

Триесет и трет дел

Значи, драги креационисти, ако вашата верба во Јахве е голема не би требало да ви биде проблем да ги изгледате видеава... Нема потреба од страв. Само факти се, ништо што би можелп да ве повреди.

Музичка помош - Александар Велики

2010-07-06T18:03:00.003+02:00

Претходно еднаш барав помош за музика, и сум прилично задоволен од одговорот кој го добив, е сега пак ми треба ваша помош. Овој пат за идентификување на специфична музика. Во песната Александар Велики на Ајрон Мејден, има еден дел кој ми звучи познато, но никако не можам да откријам за што се работи...

Зборувам за делот од 3:40 до 4:22-3. Како што реков, многу познато ми звучи, но и покрај тоа што барав информации никаде не можев да најдам нешто корисно. За други песни дури и на Википедија може да се најдат информации за употребената музика, но несигурноста на нашите „мили“, „драги“ јужни соседи ја претвориле статијата за песнава на англиската Википедија во „историска“ анализа на текстот... Ве молам за помош...

Популарноста на „Загубени“

2010-07-06T14:22:00.004+02:00

Загубени, или како што ја преведоа неписмените од Рамковизија (и со тоа не осакатија вечно) Изгубени, е една од најпопуларните серии во последнава деценија. Има многу теории околу причината за популарноста, но вистинската причина е една...

Извор

Причината истовремено е и одговор на прашањето зошто шестата сезона не им беше интересна на многу луѓе...

Креационисти, зошто луѓето им се смеат? (10)

2010-07-06T11:30:00.003+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Дваесет и осми дел

Дваесет и деветти дел

Триесетти дел

Израелска алтернатива

2010-07-05T18:13:00.004+02:00

Реков дека ќе избегнувам политички теми, и се трудам, но ете, не може без ич. Акцијата на Израелската Шaјeтет 13 од пред еден месец повторно се врати во вестите, овој пат преку барањето на Турција за израелско извинување. ОК, нивна должност е да бараат извинување со цел да ја зацврстат својата позиција на жртва, но тоа не значи дека Израел има било каква обврска да се извини за акцијата која беше оправдана и базирана на меѓународни закони. Интересна појава во целава ситуација е вооружувањето на командосите...

Како што се гледа на сликава, израелските командоси биле вооружени за несмртоносна борба. Ова било потврдено и на BBC од страна на поранешен член на SAS (најдобрата анти-терористичка единица во светот) кој сега работи како стручен аналитичар кој соработува со британската влада (не дека можеш да чуеш нешто такво на македонски медиум).

Потребен е посебен вид на глупост и неписменост за ова да го помешате со ова, или ова... Друга работа е една слика на која налетав на интернет. Цело време ни кажуваат дека Македонија немала алтернатива за лЕУ и НАТО и дека ако не сме влезеле до крајот на годинава ќе сме се распаднеле...

Значи, дури и да се тргне од претпоставката дека зелените и црвените не би не примиле, сè уште постои алтернатива... Пропаѓа муабетот, не дека беше сериозен па сериозно да биде сфатен... Алтернатива нормално постои дури и да не постоеше алтернативен воен сојуз, таа алтернатива ја демонстрираат Швајцарија и Израел... Кутрите тие сигурно цело време се распаѓаат...

Креационисти, зошто луѓето им се смеат? (9)

2010-07-05T08:43:00.002+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Дваесет и петти дел

Дваесет и шести дел (embedding disabled by request, тема-Сара Пејлин)

Дваесет и седми дел

Олд Спајс

2010-07-04T20:29:00.002+02:00

Пред некој ден налетав на овие одлични реклами за Олд Спајс...

Questions

The man your man could smell like

Did you know

Armpit Mountain

А само што помислив дека никој повеќе не прави добри реклами...

Креационисти, зошто луѓето им се смеат? (8)

2010-07-04T08:48:00.002+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Дваесет и втор дел

Дваесет и трет дел

Дваесет и четврт дел

Светското заврши

2010-07-03T22:36:00.004+02:00

Ете, тепаа манекените, испадна Парагвај, што значи сега и официјално нема причина за гледање на светското... Како што веќе пишав еднаш, ако немаш за кого да навиваш, нема потреба за гледање. Сега Лариса нема да трча гола...

За во случај да не ви е јасно за што зборувам, Лариса Рикелме (на сликата) пред неколку дена рече дека ако Парагвај стане светски шампион, таа ќе трча гола. Но, ете мотивацијата која ја добија Шпанците (Енрике Иглесијас рекол дека ќе се слика гол ако Шпанија се пласира во полуфинале) била поголема... Проклети шпански манекени...

Креационисти, зошто луѓето им се смеат? (7)

2010-07-03T12:46:00.002+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Деветнаесетти дел

Дваесетти дел

Дваесет и прв дел

Парламентарни тепачки...

2010-07-02T19:59:00.002+02:00

Отсекогаш ми биле интересни оние тепачките кои ги покажуваат на вести... Тепачка во Република Кореја, Тајван. Со боксови, микрофони, јајца и што уште не... Една работа што не ми беше јасна кога бев мал беше зошто вака се тепаат само во другите држави. Зошто никогаш немало тепачка во Македонското собрание? Епа, откако станав малку посвесен за општеството, и престанав со детска невиност да верувам дека сите луѓе се чесни, ми стана јасно.

Јасно ми стана дека причината поради која овие луѓе се тепаат, а „нашите“ избраници не е затоа што за првите она што го работат претставува чест, секој неуспех го сметаат за личен неуспех... Можеби и најважно е што за нив важна е републиката, важен е народот...

Затоа во Македонија никогаш нема да има тепачка во собрание....

Креационисти, зошто луѓето им се смеат? (6)

2010-07-02T16:58:00.002+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Шестнаесетти дел

Седумнаесетти дел

Осумнаесетти дел

Тука наслов...

2010-07-01T23:09:00.004+02:00

Тука текст, ништо сериозно. Само нешто што ќе ја објасни накратко поентата на постов. Кратко без комплицирање, максимум три-четири реченици...

Мала комична забелешка, или нешто слично за одјава... Да се остави простор на читателот да ужива во видеото...

Само се шегувам. Да се разбереме, песната е закон, изведбата на Слеш е... Накратко, неспоредлива. И за да не биде постов само со видео, еве и една фотографија...

Може да им ја праќате како одговор на луѓе кои ви пратиле Friend Request на Фејсбукот.

Македонија помирна од Америка

2010-07-01T18:44:00.002+02:00

Според Глобалниот Индекс на Мир или како и да се вика, Македонија е помирна од Америка, и е далеку помирна од лани...

Уште политичариве да се посветеа малку на Македонија место да се лигават со лЕУ и НАТО, кој знае, може ќе бевме уште повисоко рангирани... Многу повисоко...

Креационисти, зошто луѓето им се смеат? (5)

2010-07-01T11:30:00.002+02:00

Креационизмот е обид (прилично несериозен) од страна на религиозни фанатици да докажат дека универзумот, земјата и сиот живот на неа (иако не го спомнуваат животот надвор од неа) е креација на еден семоќен бог.

И покрај тоа што „Тврдења направени без докази лесно можат да бидат отфрлени без докази“, еве некој се потрудил да ја покаже неточноста на креационистичките тврдења. „Зошто луѓето им се смеат на креационистите“ има за цел да ги отфрли сите (глупи) тврдења поставени од креационизмот (и неговата копија „интелегентен дизајн“). Серијата е составена од (до овој момент) 33 епизоди кои варираат во должина од четири и пол до десетина минути... До сега неколку пати сум имал намера да ги постирам овие видеа, но секогаш се тешев со мислата дека во Македонија нема толку глупи луѓе кои веруваат во креационизам, па нема потреба... Ама, вистина било дека никогаш не може да изненади човековата глупост...

Тринаесетти дел

Четиринаестти дел

Петнаестти дел